8.5 C
Pontevedra
Venres, 29 de Marzo de 2024
Máis
    HomeComarcasRedondelaO Concello de Redondela non autorizará as fogueiras de San Xoán para...

    O Concello de Redondela non autorizará as fogueiras de San Xoán para non comprometer o nivel de restricións

    Vistas as directrices da FEGAMP chegadas ao Concello de Redondela, o Concello de Redondela non autorizará as fogueiras de San Xoán na vindeira noite do 23 ao 24 de xuño, para non favorecer situacións de risco que comprometan o nivel de restricións en Redondela.

    Avaliando os riscos derivados da eventual celebración das tradicionais fogueiras de San Xoán hai que ter presente que a situación todavía é delicada e que unha adecuada protección da saúde das persoas debe ser o criterio que presida a actuación dos poderes públicos e tamén do Concello.

    As fogueiras de San Xoán son por definición un evento para o encontro e a celebración presidida pola espontaneidade e o carácter festivo polo que as concentracións humanas a que cada fogueira da lugar, así como os desprazamentos de poboación derivados delas son en grande medida impredicibles.

    Finalmente o Concello debe contribuír cunha adecuada política de prevención a non favorecer situacións de risco que comprometan o éxito da campaña de vacinación ou que poidan elevar o nivel de restricións en Redondela co conseguinte impacto económico que elo tería.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.