26.6 C
Pontevedra
Venres, 20 de Maio de 2022
Máis
    HomeComarcasRedondelaO Concello cualifica de “ridículo” o prazo de prematrícula aberto para o...

    O Concello cualifica de “ridículo” o prazo de prematrícula aberto para o Bacharelato de Artes de Redondela

    O Concello e a Federación de ANPAS solicitaron este luns unha reunión urxente co conselleiro, da que aínda nin tan sequera recibiu resposta, ante “a política de improvisación” que está a desenvolver Educación sobre un tema “de capital importancia para a mocidade de Redondela e concellos limítrofes”.

    “Non é de recibo que nun tema de tanto calado, como o Bacharelato de Artes, a Consellería de Educación estea actuando cunha política de improvisación continua”, asegurou hoxe a alcaldesa de Redondela, Digna Rivas, logo de coñecer que a Consellería anunciou a apertura dun “período extraordinario” de prematrícula para dito bacharelato “e que só lle foi comunicado ao IES Pedro Floriani, onde presuntamente se impartirán estes estudos, ocultando dita información ao resto de IES que tiveron que enterarse, ao igual que o Concello, a través da Federación de ANPAS”.

    Logo de asegurar a Consellería que, en caso de habilitarse dito bacharelato en Redondela “se daría un prazo de matrícula non interior a 15 días, nais, pais e alumnado atópanse coa sorpresa que tan só teñen 5 días –do 3 ao 9 de maio– para formalizar a preinscrición, nunha nova tomadura de pelo da administración educativa”, denuncia a alcaldesa de Redondela. A propia federación de ANPAS foi a que transmitiu ese prazo ao estudantado de Soutomaior e Pazos de Borbén, “aos que a Consellería tamén ignorou”.

    Pese a terse aberto a preinscrición, segue sen coñecerse o número de alumnos e alumnas que a Consellería considera “suficiente” para implantar definitivamente o Bacharelato de Artes xa que, tal e como apunta Digna Rivas, “as rapazas e rapaces terán que preinscribirse ou anular a preinscrición realizada en Vigo, Pontevedra ou Mos para inscribirse aquí, sen saber se realmente van poder estudar esta vía de bacharelato porque a Consellería segue sen definir ese número mínimo de estudantes”.

    Pese a importancia que este asunto ten para as familias de Redondela, “a Consellería segue ignorando ao Concello, representante de toda a veciñanza, e o que é máis grave, nin tan sequera dígnanse á responder a unha solicitude de reunión urxente realizada polo Concello, vía correo electrónico ao propio conselleiro, este pasado luns”.

    Queda claro para Digna Rivas que tanto o anuncio realizado pola Consellería en días pasados como esta “apresurada e improvisada apertura de preinscrición” son políticas deseñadas “para que o PP local, que sempre estivo de perfil neste tema, poida sacarse a foto e comezar a buscar rendibilidade política a un ano vista dunhas eleccións municipais”.

    “Hai temas como este, que afectan ao futuro dos nosos rapaces e rapazas, que deben deixarse fora do debate político” engade a alcaldesa de Redondela para quen “a deslealdade institucional que amosa a Consellería chega a límites dificilmente explicables”. A Xunta, remata Digna Rivas, “segue optando por ignorar ao representante lexítimo de toda a veciñanza para que sexa o PP local o que se anote os tantos”. Afortunadamente, remata a rexedora redondelá “a cidadanía, que coñece perfectamente o que está a pasar, será quen de sacar as súas propias conclusións”.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS