8.5 C
Pontevedra
Xoves, 28 de Marzo de 2024
Máis
    HomeLouriñaO PorriñoNovas achegas do Plan Concellos para Redondela, O Porriño e Salceda de...

    Novas achegas do Plan Concellos para Redondela, O Porriño e Salceda de Caselas

    A Deputación revalida o seu compromiso cos municipios da provincia coa aprobación, na Xunta de Goberno, de 2.851.477 euros da liña 1 de Investimentos do Plan Concellos que chegarán a Silleda, Cambados, Pontecesures, Caldas de Reis, Portas, Barro, Moraña, Bueu, Redondela, O Porriño e Salceda de Caselas. Estes fondos provinciais permitirán a realización actuacións tan variadas como melloras nos camiños rurais ou parques infantís, saneamentos, unha humanización ou a adquisición de maquinaria.

    Para O Salnés foron aprobadas achegas para Cambados, 371.448 euros para a mellora de camiños rurais, e Pontecesures, 72.027 euros que servirán para mellorar o parque infantil de Carreiras. Tamén se lle deu luz verde a recursos para a comarca de Pontevedra con 81.298 € para que Portas realice o saneamento de augas residuais en Piñeiro e Currás, 77.309 euros para que Barro mellore o viario no lugar de Mane de Arriba e 107.894 euros para que Moraña pavimente camiños municipais. Do mesmo xeito, tamén se aprobaron dúas achegas para Caldas que suman 295.922€, unha partida de 95.025 para a subministración dun vehículo 4×4 con cesta elevadora para o alumeado público e 200.897 euros cos que se ampliará a rede de saneamento no tramo O Pazo – Santa María. Á comarca do Deza chegarán 1.248.132€ cos que Silleda asfaltará 14 camiños municipais

    A Xunta de Goberno tamén aprobou recursos para O Morrazo cunha achega de 159.342 euros para que Bueu adquira unha parcela para uso como estacionamento e servizo de caravanas e autocaravanas. Ademais, á comarca de Vigo chegarán 212.313 euros para que Redondela financie a achega municipal ao ReacPon do proxecto de humanización da rúa Picota, Praza da Fonte do Mouro e contorna da Capela de Santa Mariña. Deste xeito a Deputación financia o total da actuación que ten un orzamento de 849.254 euros. Tamén foron aprobados 165.292 euros destinados á mellora do asfaltado e do saneamento en catro viarios municipais do Porriño e 60.500 euros para elaborar a cartografía SIG, ortofoto dixital e rede topográfica de Salceda de Caselas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.