O Departamento de Medio Ambiente do Concello de Redondela vén de solicitar a colaboración da veciñanza para dar co paradeiro da persoa ou persoas que introduciron nunha bolsa de plástico 5 crías de gato recen nacidas e as tiraron dentro dun contedor do lixo do Camiño Verdeal da parroquia de Quintela.
Os animais foron atopados por unha veciña da zona que chamou a policía local poñendo estes o caso en coñecemento do departamento de Medio Ambiente. A veciña alértante indicou que dentro do contedor había tan só tres bolsas de lixo xunto a bolsa de cor azul que contiña os gatos.
Con este dato e ao estar baleiro o contedor consultouse a hora no GPS do camión que recolleu ese contedor do lixo. Marcando a recollida do lixo está maña de 16 de abril as 10:06 horas. Tendo en conta que a veciña atopou os gatos as tres da tarde nun contedor baleiro o delito de maltrato animal produciuse a plena luz do día entre as 10 horas da mañá e as 15 horas da tar cando os animais foron atopados.
Dende a concellería de Medio Ambiente que xestiona Roberto Villar, solicitase a veciñanza “calquera información que puidera axudar sobre algún vehículo ou persoa a pé , que parara o lado do contedor do lixo situado no Camiño Verdeal en Quintal na franxa horaria dás 10 h as 15 horas”.
Dende o departamento de Medio Ambiente subliñan que este tipo de actos “son de especial gravidade e da máis baixa moral humana, estamos a falar de que eses animais de non ser atopados por persoas marabillosas acabarían afogados, esmagados, triturados no camión e incluso incinerados vivos”.
“Temos que usar estas palabras tan duras –sinala a Concellería– porque non estamos a falar dun abandono dos animais, estamos a falar de que as persoas que realizaron este acto atroz foi coa intención de matar. Resulta alarmante para o departamento deste Concello que coa situación que estamos a vivir nestes instantes toda a sociedade, aínda queden persoas capaces de realizar accións desprezables coma esta”.
Medio Ambiente pide a calquera persoa que poida ter información, que chame a policía local 986 40 26 10
Os animais foron trasladados a unha clínica veterinaria do municipio na que foron atendidos por orde do Departamento de Medio Ambiente e recollidos pola protectora Animais Sen Fronteiras que se fará cargo do seu coidado.
