O Pavillón Polideportivo Municipal ‘As Marismas’, coñecido popularmente como La Bombonera, luce xa un aspecto inmellorable logo das obras de remodelación de que foi obxecto a única pista desta instalación deportiva e na que o Concello, a través da Concellería de Deportes que dirixe Nacho González, investiu 66 561,59 euros (IVE incluído).
O piso de La Bombonera, de aproximadamente 1000 metros cadrados, moi deteriorado polo paso do tempo e o uso continuado, foi substituído por un pavimento deportivo aerea-elástico con acabado en madeira de faia. Este tipo de piso, explica a alcaldesa Digna Rivas, “foi elixido entre outros por tratarse dun pavimento específico para os lugares nos que se practica o balonmán ou o fútbol sala que son as dúas principais modalidades que se desenvolven neste pavillón”.
A maiores, este tipo de piso tamén está especialmente recomendado para outras modalidades deportivas como o baloncesto, voleibol e bádminton.
As obras consistiron no estendido dunha subbase de espuma de poliuretano flexible de 15 mm e unha barreira antihumidade a base de lámina de polietileno sobre a que se colocou unha capa de listóns de contrachapado fenolico de 12 mm. Por último, sobre ela púxose unha capa de madeira de faia con acabado de barniz de Bona UV sportive específico para o uso deportivo.
“La Bombonera” luce un inmellorable aspecto logo das obras de remodelación da pista
Un pavimento deportivo aerea-elástico con acabado e madeira de faia, especialmente indicado para balonmán e fútbol sala, substitúe a un piso moi deteriorado polo paso do tempo e o seu uso continuado
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.