10.2 C
Pontevedra
Venres, 29 de Marzo de 2024
Máis
    HomeComarcasRedondelaJusto Fernández, Iván Carballo, Lucas Muller e Fátima Betegón, campións galegos de...

    Justo Fernández, Iván Carballo, Lucas Muller e Fátima Betegón, campións galegos de kitesurf

    A próxima cita será o KiteFest Cesantes Trofeo Xacobeo os días 16 e 17 de xullo

    Fin de semana de dez na enseada de San Simón. Este domingo finalizou con éxito o primeiro Campionato Galego de kitesurf, proba organizada polo TMKiteClub e o Concello de Redondela por delegación da Real Federación Galega de Vela e co patrocinio de Padthaiwok, Aceites Abril e Nosatún. En total, seis probas completadas durante a fin de semana nas que resultaron vencedores Justo Fernández en Foil, Iván Carballo en Twintip, Lucas Muller en Surf e Fátima Betegón en Twintip Feminino, converténdose nos primeiros campións galegos da clase en formato regata.

    Aínda que nun primeiro momento parecía que o vento non acompañaría aos participantes, finalmente si se deron as condicións óptimas en Cesantes e os máis de 30 riders rexistrados puideron disputar tres probas o sábado e outras tres o domingo. Todo un espectáculo que sen dúbida volveu a converter a enseada de San Simón na capital do kitesurf durante a fin de semana.

    Na clase Foil, Justo Fernández (TMKiteClub) non tivo rival e selou unha fin de semana perfecta con seis vitorias parciais nas seis probas completadas. Por detrás, o segundo posto lévollo Mario Martínez, tamén representando ao TMKiteClub, e terceiro foi Javier Ozores do Real Club Náutico da Coruña.

    En Twintip, pola súa banda, a xeral estivo en grao sumo apertada e todo se decidiu na última proba con tres riders do TMKiteClub pelexando polo triunfo. Finalmente, Iván Carballo foi quen levou a vitoria definitiva con tres primeiros postos, dous segundos e un sétimo -parcial que descarta-, converténdose en campión autonómico por diante de Patxi Fernández, que foi segundo, e Álvaro Visier, que pechou o podio no terceiro caixón.

    Na división feminina de Twintip, Fátima Betegón é a nova campioa galega da clase seguida de Bibiana Táboas e Beira Vázquez, segunda e terceira respectivamente e ambas representando ao TMKiteClub.

    E na clase Surf, o rider local Lucas Muller foi o mellor da súa categoría, e é que grazas ao descarte puido desfacerse do fose de liña da primeira xornada e selar un triunfo con cinco vitorias acumuladas na súa marcadora. No segundo posto, César Conde do Papaventos Kite Club e terceira foi Aurea Carballo do TMKiteClub.

    Bibiana Táboas, riders participante na categoría Twintip feminina. © Clara Giraldo
    Pablo Ozores, rider participante na categoría Twintip masculina. © Clara Giraldo

    O domingo, unha vez finalizada a competición, tivo lugar a entrega de trofeos nas instalacións do TMKiteClub coa presenza de Manuel Villaverde, presidente da Real Federación Galega de Vela; José Cruz de Padthaiwok; Nacho González, concelleiro de deportes do Concello de Redondela, e Tato González, presidente do TMKiteClub.

    Próxima cita, o V KiteFest Cesantes

    Finalizado o Campionato Galego da clase, o TMKiteClub e Cesantes xa se preparan para a próxima gran cita: o esperado V KiteFest Cesantes Trofeo Xacobeo que se celebrará os días 16 e 17 do próximo mes de xuño, proba que volverá reunir a un centenar riders na enseada de San Simón.

    PODIO FINAL

    Clase Foil

    1. Justo Fernández (TMKiteClub), 5 puntos
    2. Mario Martínez (TMKiteClub), 11 puntos
    3. Javier Ozores (RCN Coruña), 15 puntos

    Clase Twintip

    1. Iván Carballo (TMKiteClub), 7 puntos
    2. Patxi Fernández (TMKiteClub), 10 puntos
    3. Álvaro Visier (TMKiteClub), 15 puntos

    Clase Twintip Femenino

    1. Fátima Betegón, 31 puntos
    2. Bibiana Táboas (TMKiteClub), 51 puntos
    3. Vera Vázquez (TMKiteClub), 79 puntos

    Clase Surf

    1. Lucas Muller (TMKiteClub), 5 puntos
    2. César Conde (Papaventos Kite Club), 13 puntos
    3. Aurea Carballo (TMKiteClub), 19 puntos

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.