24.3 C
Pontevedra
Sábado, 21 de Maio de 2022
Máis
    HomeComarcasRedondelaEscolares de Redondela transmiten ao Goberno local as súas propostas para tres...

    Escolares de Redondela transmiten ao Goberno local as súas propostas para tres proxectos de espazos de lecer que están en marcha

    Digna Rivas subliña a “implicación dos mozos e mozas” e considera imprescindible a súa participación activa “á hora de achegar ideas e propostas sobre temas que lles afectan directamente”

    O Consello Municipal da Infancia e Adolescencia de Redondela celebrou esta semana a súa segunda reunión plenaria do curso, xuntanza que estivo centrada na realización de propostas para tres proxectos de creación e remodelación de espazos de lecer que o goberno local vai levar a cabo nos próximos meses.

    Voceiros e voceiras dos CEIP Alexandre Bóveda, Porto Cabeiro, Quintela, Reboreda e Santa Mariña e mais os IES Chapela, Illa de San Simón, Mendiño e Pedro Floriani, celebraron un pleno onde expuxeron as súas propostas e suxestións para a futura zona deportiva e de lecer de San Pedro de Cesantes, para a remodelación da zona deportiva de Chapela coñecida como “Campito” e mais para a zona deportiva que se vai construír anexa á Senda Verde, tamén en Chapela.

    A alcaldesa Digna Rivas, na súa función de presidenta do Consello, xunto coa concelleira de Xuventude e Ensino, Olga García, así como representantes das ANPAS e máis dos grupos políticos da oposición –na súa condición de vogais adultos–, asistiron a este pleno para escoitar as voces da rapazada de Redondela. Dende os centros de ensino traballaron para propoñer as mellores ideas para o aproveitamento destes espazos públicos.

    Ideas como dotar de fontes de auga os tres espazos, crear zonas de descanso con arboredos de especies autóctonas, instalacións pensadas para a infancia e a terceira idade, dotacións deportivas, parques caninos e aparcamentos para bicicletas son algúns exemplos das propostas que foron trasladadas durante esta xuntanza ao goberno local.

    Tanto dende a representación do goberno, como dende os partidos da oposición e mais das ANPAS trasladaron a súa admiración e o seu agradecemento aos nenos, nenas e adolescentes alí presentes, e mais aos seus centros de ensino polo traballo realizado.

    Digna Rivas asegurou que “Redondela pode estar orgullosa de contar cunha mocidade implicada, responsable e traballadora” e lembrou a importancia de “que mozos e mozas sexa os que decidan sobre aqueles proxectos que lles afectan directamente”.

    A alcaldesa de Redondela lembrou que, dende a súa chegada ao Concello, “os Plenos da Infancia e Adolescencia deixaron de ser algo que se facía para ‘cubrir o expediente’ a constituírse en órganos activos de intercomunicación entre a mocidade e o Goberno local para facer chegar á Administración as necesidades do sector máis novo da poboación”.

    As propostas da mocidade e a infancia, afirma a rexedora local redondelá, “son escoitadas con atención, tidas en conta e plasmadas en proxectos reais para uso e desfrute dos nenos e nenas”.

    Cómpre salientar que neste Consello, a UNICEF tamén estivo presente e a súa representante amosou interese e mais satisfacción “polo traballo que está a realizar o Concello de Redondela a prol do dereito dos nenos e das nenas a participar na vida pública”. Esta preocupación do goberno local por escoitar a voz da infancia materialízase na celebración destes Plenos infantís, ao tempo que no apoio ao grupo de representación infantil e xuvenil do municipio, constituído baixo o nome de Axentes do Cambio. Redondela goza dende o ano 2018 da condición de Cidade Amiga da Infancia, distintivo concedido por UNICEF na súa valoración do deseño das políticas municipais para a mellora da vida dos nenos e das nenas.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS