7.6 C
Pontevedra
Venres, 29 de Marzo de 2024
Máis
    HomeComarcasRedondelaContacontos inclusivo e en liña para festexar o Nadal coas Bibliotecas Municipais...

    Contacontos inclusivo e en liña para festexar o Nadal coas Bibliotecas Municipais de Redondela

    As bibliotecas municipais de Redondela celebran o Nadal cunha actividade retransmitida en liña a través das súas redes sociais.

    A proposta é un contacontos inclusivo da compañía ContAz. Co título “Perdido?” preséntannos unha historia baseada nun conto de Oliver Jeffers  onde a lingua de signos terá grande protagonismo. Será retransmitido  en directo a través do Facebook das bibliotecas de Redondela o próximo luns 21 de decembro, ás 18:00 h.

    A actividade realízase grazas á Fundación Filomena Rivero Alonso, que pretende deste xeito achegar o Nadal ás bibliotecas e aos fogares dos seus usuarios e usuarias, nun espazo de seguridade frente ao Covid-19.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.