19.6 C
Pontevedra
Venres, 12 de Xullo de 2024
Máis
    HomeComarcasRedondelaComezan os traballos de reparación da xunta de dilatación da pila sur...

    Comezan os traballos de reparación da xunta de dilatación da pila sur da Ponte de Rande

    Cortarase ao tráfico o carril dereito do taboleiro central, sentido Vigo, onde se executan os traballos, entre as 09 h do sábado 22 de maio e as 17 h do domingo 23 de maio.

    Esta fin de semana realizaranse os traballos de mantemento programado na ponte de Rande (autoestrada AP-9), consistentes na substitución dunha xunta de dilatación do taboleiro central da ponte á altura da pila Sur, afectando o carril dereito en sentido Vigo.

    Click para ampliar

    Está previsto que a actuación se inicie o sábado 22 de maio ás 09 h da mañá e finalice o domingo 23 de maio ás 17 h. En consecuencia, durante ese período será necesario realizar un corte do carril dereito do taboleiro central en sentido Vigo, en toda a lonxitude da ponte de Rande.

    Os vehículos procedentes de Pontevedra circularán polo carril esquerdo, mentres que aqueles que proveñan do Morrazo circularán a través do taboleiro lateral ampliado, en ambos os casos en sentido Vigo. Non haberá afeccións ao tráfico en sentido Pontevedra.

    As afeccións estarán debidamente sinalizadas na AP-9 e a través dos paneis de mensaxe variable.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.