7.6 C
Pontevedra
Venres, 29 de Marzo de 2024
Máis
    HomeComarcasRedondelaClausurados os obradoiros de emprego ‘Redondela Máis que Bela II’ e ‘Redondela...

    Clausurados os obradoiros de emprego ‘Redondela Máis que Bela II’ e ‘Redondela TIC II’

    A alcaldesa de Redondela, Digna Rivas, asistiu aos actos de clausura dos dous obradoiros de emprego Redondela Máis que Bela II e Redondela TIC II, que permitiron que preto de 50 persoas en situación de desemprego acadasen unha adecuada cualificación profesional a través dunha iniciativa que combina as clases teóricas con traballos prácticos que redundan en beneficio da cidadanía.

    Rivas destacou a importancia destas iniciativas “que facilitan ás e aos participantes as ferramentas precisas para poder entrar, con garantías, nun mercado laboral cada día máis especializado e competitivo”. A alcaldesa de Redondela amosou a súa confianza na preparación das persoas participantes “demostrada cos traballos realizados e que deixan patente, non só a vosa capacidade de traballo e a a boa preparación recibida, senón tamén as boas directrices tanto das e dos directores dos obradoiros coma de todo o persoal docente do mesmo”.

    O Obradoiro Redondela Máis que Bela II, contaba don dúas especialidades: Carpintería e vernizado e Forestal e Xardinería.

    O alumnado do módulo de Carpintería e Vernizado, amais das correspondentes clases teóricas, desenvolveu traballos prácticos que se plasmaron na instalación de tarima vinílica no Centro Cultural de Saxamonde; restauración e vernizado de tres portas exteriores, instalación de sete portas interiores, elaboración e instalación dun armario empotrado con divisións interiores e instalación de tarima vinílica.no Centro Cultural do Viso; elaboración de mesa e bancos corridos para exterior en A Coutada (Quintela); e elaboración de tres papeleiras e tres bancos na rúa Cruceiro, treito do Camiño de Santiago.

    Pola súa banda o alumnado do módulo de Forestal e Xardinería procedeu ao rozado e acondicionamento de fincas na Coutada e Vía Vella, axardinamento do talude do Campo do Fútbol do Viso e traballos na finca e horta ecolóxicaPousadouro con 15 entregas de produtos a Cáritas Redondela.

    No que atinxe ao Redondela TIC II, para persoas mozas incluídas no ficheiro do Sistema nacional de garantía xuvenil, recibiron formación a un total de 16 traballadores/as, repartidos nas especialidades de albañelería e deseño web.

    Na especialidade de Albanelería levaron a cabo obras nas casas culturais do Viso e Saxamonde, multiúsos Piñeiral do Crego de Chapela, obradoiro de carpintería do centro de Formación de Posadouro, e finca da Coutada en Quintela.

    Na especialidade de Deseño Web e Gráfico creouse unha páxina web de medioambiente para a xestión integral dos residuos, realizouse diverso material gráfico multimedia para educar e concienciar na reciclaxe e tratamento adecuado de residuos e desenvolvéronse programas de educación ambiental .

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.