A Policía Lodal de Redondela tivo un intenso domingo de traballo que se saldou coa recuperación dun ciclomotor substraído, a actuación no incendio dun turismo en Chapela e na axuda dun accidente duhna motocicleta cuxo condutor tivo que ser trasladado ao Hospital Álvaro Cunqueiro.
A primeira das intervencións dos axentes da Policía Local redondelá tivo lugar o domingo pola mañá nunha actuación conxunta coa Garda Civil de Tráfico, asistindo un accidente por saída da vía dunha motocicleta tipo ‘cross’ na zona de Fixón, en Negros. Todo apunta a que a moto circulaba por unha pista forestal e, logo de chochar cunha pedra, o piloto perdeu o control goleándose contra unha árbore e sufrindo unha lesión na clavícula, polo que foi precisa a súa evacuación ao Hospital Álvaro Cunqueiro de Vigo.
As patrullas da Policía Local redondelá intervirían, xa pola tarde, na recuperación dun ciclomotor denunciado como substraído e que foi localizado na parroquia do Viso, logo de ser alertados por un veciño que daba conta do acádego nunha zona de monte próxima ao campo de fútbol. O ciclomotor, da marca Yamaha, é o segundo que se recupera por parte da Policía Local de Redondela en apenas 15 días.
Así mesmo e tamén pola tarde, a patrulla da policia local tivo que intervir na Avenida de Redondela, en Chapela, onde un vehículo que circulaba dirección Vigo-Redondela, cun matrimonio e fillos no interior, comezaba a arder na zona dianteira. Afortunadamente todo quedou nun susto saíndo ilesos todos os ocupantes do vehículo e sendo sofocadas as lapas polos Bombeiros de Vigo.
