8.3 C
Pontevedra
Xoves, 28 de Marzo de 2024
Máis
    HomeComarcasRedondelaAndainas pola biodiversidade da enseada, novas xornadas na Rede Natura 2000

    Andainas pola biodiversidade da enseada, novas xornadas na Rede Natura 2000

    Debido a gran demanda de participantes para as actividades educativas e medioambientais na Rede Natura 2000 a concellería de medio ambiente amplía datas e temario para o mes de Outubro.

    Para comprender o seu valor, hai que coñecer e analizar o patrimonio natural.

    A ciencia separase en investigación é divulgación. Mentres a investigación fai avanzar o coñecemento, a divulgación intenta expandir na sociedade este novo coñecemento. Neste grupo de expansión atópase a cidadanía, a cal temos que chegar cunha linguaxe próxima e achegada.

    Natura 2000 é unha rede europea de áreas de conservación natural. A súa finalidade é asegurar a protección  a longo prazo das especies e o seu hábitat en Europa, contribuíndo a deter a perda de biodiversidade.

    Nos paseos dinamizados por FAIA Educación Medioambiental o participante poderá observar, tocar e escoitar temas sobre a formación das rías, dunas, ecosistemas mariños, grupos de algas, avifauna costeira, as marismas de Soutoxuste, historia evolutiva, xeoloxía e outros temas que que protagonizan a biodiversidade da Rede Natura 2000 da Enseada.

    Actividades de balde con prazas limitadas por mor da pandemia da Covid-19.

    Tema: “As algas na intermareal”

    Datas e prazas dispoñibles :

    • Actividade programada en agosto para o Sábado 19 de Setembro quedan 5 prazas de reserva ( saída 10:30 dende lonxa de Cesantes).
    • Nova data para o domingo 20 de setembro quedan 2 prazas dispoñibles (o resto cubriuse coas persoas de reserva das actividades pasadas) e 5 prazas de reserva dispoñibles (saída 10:30 dende a lonxa de Cesantes).

    Novo tema: “A flora das Dunas de Cesantes e o Litoral de Soutoxuste”

    Datas e prazas dispoñibles:

    • Nova actividade o Sábado 3 de Outubro todas as prazas dispoñibles máis 5 prazas de reserva ( saída 10:15 dende a punta de Cesantes).
    • Nova actividade o Sábado 10 de Outubro todas as prazas dispoñibles máis 5 prazas de reserva ( saída 10:15 dende a punta de Cesantes).
    • Nova actividade o Sábado 17 de Outubro todas as prazas dispoñibles máis 5 prazas de reserva ( saída 10:15 dende a punta de Cesantes).
    • Nova actividade o Sábado 24 de Outubro todas as prazas dispoñibles máis 5 prazas de reserva ( saída 10:15 dende a punta de Cesantes).

    Inscrición de balde

    • En turismo@redondela.gal.
    • No 986 400 300 -Turismo, horario de 11h a 14h
    • Presencial, na Oficina de Turismo do Concello de 11h a 14h e de 15h a 19h.

    “ A nosa biodiversidade o seu legado”. Por iso agardámosvos na Rede Natrura 2000 da Enseada para dar un paseo educativo con FAIA Educación Ambiental que dinamizará as actividades.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.