A alcaldesa de Redondela, Digna Rivas, recibiu onte a visita do seu homólogo de Vigo, Abel Caballero, para realizar un paseo pola vila dos viadutos e subliñar que a colaboración entre os dous municipios será beneficiosa para ambos. Abel Caballero xuntouse tamén cun grupo de militantes e concelleiros/as do PSdeG para felicitar á alcaldesa socialista pola gran campaña e a xestión que leva realizando en Redondela nestes últimos catro anos de mandato, que “ de seguro a levará á reelección”.
Abel Caballero acompañou a Digna durante un paseo con militantes e concelleiros locais, onde aproveitou para felicitar á alcaldesa e candidata socialista pola gran campaña e gran xestión que leva realizando en Redondela estes últimos catro anos de mandant que “de seguro a levará a reelección”
Caballero non perdeu a ocasión de dar a súa opinión sobre a situación política actual do municipio, “fuxir da confrontación entre partidos políticos e centrarse na cooperación que tantos beneficios lle pode dar tanto a Redondela como a Vigo”
Durante a visita abordaron a imperiosa necesidade de que ambos municipios empecen unha nova relación, moito máis estreita pois “non é posible entende Redondela sen Vigo, ao igual que é imposible entender Vigo sen Redondela”, afirma a alcaldesa
“Abel Caballero representa todo aquelo que un alcalde ou alcaldesa debe aspirar a ser. Unha persoa centrada, cabal e que antepón calquera cousa ao ben común do municipio e a xerar un futuro para a veciñanza”, e finaliza, “nos vindeiros catro anos Redondela e Vigo estreitarán lazos para medrar conxuntamente”.