11.5 C
Pontevedra
Sábado, 27 de Novembro de 2021
Máis
    HomeComarcasRedondelaA veciñanza de Vilar coñece, de primeira man, como será o proxecto...

    A veciñanza de Vilar coñece, de primeira man, como será o proxecto do último treito da estrada do Galleiro

    A alcaldesa de Redondela, Digna Rivas, asegura que cando se lle explican ás cousas claramente á veciñanza “esta participa activamente, formula preguntas e realiza achegas que enriquecen un proxecto”

    A alcaldesa de Redondela, Digna Rivas, valorou hoxe a presentación que, esta pasada fin de semana tivo lugar no Centro Cultural de Vilar onde, co respaldo de planos e infografías, explicou á veciñanza a realidade do proxecto de mellora do último treito da EP-2096 entre Os Valos e Guizán na coñecida como estrada do Galleiro.

    Rivas, –que na reunión estaba acompañada por concelleiras e concelleiros do equipo de Goberno– asegura que, unha vez que comezou a explicar o proxecto de como quedaría a zona, que permitirá a súa recuperación para uso e goce da veciñanza, decatouse que “veciños e veciñas descoñecían o proxecto” o que pode deberse “a unha falta de interese do anterior goberno en explicar a realidade da obra que se ía realizar”.

    Estado actual da estrada do Galleiro

    “Dende o primeiro minuto da nosa chegada ao Concello –explica a alcaldesa de Redondela– optamos sempre pola transparencia como ferramenta fundamental de comunicación coa cidadanía”. A veciñanza do municipio, engadiu a rexedora, “e perfectamente capaz de avaliar os proxectos que se lle presentan, discutir sobre eles e achegar solucións ou rectificacións”.

    As veciñas e veciños expresaron a súa conformidade co proxecto presentado que permitirá recuperar unha zona deteriorada para a súa utilización por parte da veciñanza, favorecendo a mobilidade e, dentro da liña seguida pola administración provincial nas súas últimas actuacións, recuperar espazos para a convivencia das persoas.

    No decurso da xuntanza, a veciñanza formulou preguntas que, a través da deputada Olga García, serán trasladas a Deputación para que se lles dea cumprida resposta. En todo caso, explicou Digna Rivas, son pequenos matices sobre o proxecto “que a nós, como Goberno, parécennos importantes porque son a mostra clara de que a cidadanía, cando é consultada, responde e aporta ideas que enriquecen calquera proxecto”

    COLABORACIÓNS

    Ponteareas deportiva

    Los núcleos más importantes de población concentran el grueso de las pruebas deportivas que se celebran a lo largo del año. Es lógico, las infraestructuras para la práctica de deporte forman parte del paisaje de grandes urbes, mientras ciudades pequeñas y pueblos tienen limitado el acceso a gimnasios, pistas, pabellones y piscinas.

    Domingo Villar, «Algúns contos completos»

    Domingo Villar é un dos escritores galegos de maior sona grazas ás súas novelas policiais protagonizadas polo inspector Leo Caldas. Pero o que agora nos presenta neste volume é unha faciana moi diferente daquela á que nos ten acostumados. Nesta entrega non hai crimes, nin intriga, nin tramas reviradas, nin atisbo algún de narración policial nin de literatura negra. Trátase dun proxecto moito máis persoal e cercano, un pequeno capricho feito á medida del e do seu círculo máis íntimo.

    ¡Galicia profunda!

    Hace unas semanas, Galicia saltó a la palestra por el dictamen de una jueza de Marbella que le retiró la custodia de un hijo a su madre por llevárselo a vivir a la "Galicia profunda". Tengo que reconocer que no he leído el auto y por lo tanto quiero pensar que una persona como una jueza, a la que se presupone cierto nivel cultural y un cierto grado de sentido común, que haya incluído esos términos en el mismo, ha sido un desliz. De ser un acto meditado demuestra el grado de ignorancia existente en éste país.

    Ana Cabaleiro, «Deixádenos remar»

    Descubrimos a Ana Cabaleiro cun libro de relatos tan interesante como «Sapos e sereas». Logo viría a novela «Las Ramonas» e agora chega cunha terceira proposta que, tal e como eu o vexo, navega entre ambos os dous mundos, o do relato curto e a novela tradicional, sen acabar de mergullarse en ningún deles. Claro que tal afirmación ben merece unha explicación detallada.

    Colaboradores

    Alberto Aliaga Sola
    14 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    6 POSTS0 COMMENTS
    Manrique Fernández
    49 POSTS0 COMMENTS
    Paz de la Peña
    36 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS