A Policía Local de Redondela localizou un vehículo, o cal foi o causante dun accidente de tráfico, o luns pola mañá, en Chapela. O accidente consistiu nun choque contra un vehículo estacionado e o condutor abandonaría posteriormente o lugar dos feitos.
Grazas a unha testemuña, que anotou os catro díxitos numéricos e as últimas dúas letras da matrícula identificativa, así como a cor do vehículo, a Policía puido acotar a investigación e, coa colaboración da Garda Civil de Tráfico, púidose dar coa matrícula completa.
Logo de poñerse en contacto coa Policía Local de Vigo, unha patrulla trasladouse ao posible domicilio do titular do vehículo, onde se confirmaría que o coche era amarelo, e que estaba en posesión dunha parella da figurante, aportando o domicilio.
Posteriormente, e avisado pola titular, o condutor persoouse na Xefatura da Policía Local, onde puido ser identificado e recoñecer ter golpeado o vehículo, polo que se procedeu a realizar as correspondentes dilixencias.
