12 C
Pontevedra
Venres, 29 de Marzo de 2024
Máis
    HomeComarcasRedondelaA investigación e a importancia dos coidados protagonizan a conferencia do Día...

    A investigación e a importancia dos coidados protagonizan a conferencia do Día do Alzhéimer de Redondela

    A Concellaría de Persoas Maiores, dirixida por Iria Vilaboa, e o Grupo SENES organizaron, con motivo do día do Alzhéimer, un acto xunto a persoas expertas da area sanitaria e social que abordaron temas como os itinerarios da demencia, a investigación, a terapia neurolóxica e o envellecemento activo. A sala do Multiúsos da Xunqueira estaba chea de xente interesada na materia, como estudantes do Grado Medio Atención a Personas en Situación de Dependencia (FP APSD) e familiares das persoas afectadas.

    A mesa redonda estivo composta por Isabel Couñago, traballadora social e psicóloga de “Os Cortizos”; Pedro Santamaría, psicoxerontólogo e membro do grupo de Envellecemento do COPG; así como Antía Soneira, fisioterapeuta do SERGAS e especialista en terapia neurolóxica e envellecemento activo. O presentador e moderador foi Pedro Álvarez, director do Grupo SENES.

    Digna Rivas, alcaldesa de Redondela, deu paso o acto cunhas palabras de agradecemento e apoio a investigación na loita contra o Alzhéimer. En palabras de Rivas “é moi importante apostar pola ciencia e desestigmatizar as enfermidades neurolóxicas para que as familias estean nun entorno seguro e poidan involucrarse e entender todo o proceso médico dunha enfermidade tan dura como é o alzheimer”.

    O evento foi un éxito en canto o número de asistentes, que participaron de forma activa. Entre os temas que se abordaron destaca a importancia dos coidados e a estimulación da actividade física para a mellora de todo o sistema nervioso.

    RESUMO DOS TEMAS ABORDADOS

    O experto e psicoxerontólogo, Pedro Santamaría poñía en valor a fisioterapia como método de rehabilitación, xa que “a estimulación do corpo é tan importante como a da mente”.

    Isabel Couñago, psicóloga do Centro de Día ‘Os Cortizos’ explicou os avances nos centros sociais e de coidados. Normalmente en España existe un estigma ou medo as residencias para persoas maiores, algo que está cambiando pouco a pouco e que é moi necesario, xa que esta é unha enfermidade que aumenta en número de afectados cada ano”.

    Os portavoces tamén falaron dos itinerarios da demencia, a investigación biomédica e social en España, asi como o diagnóstico precoz. Abordaron temas farmacolóxicos como o futuro da “Proteína TAU” ou o uso de novas tecnoloxías como os xeolocalizadores e os robots de axuda.

    Actualmente unhas 800.000 persoas padecen Alzhéimer en España. O custo do tratamento supón o 1,5 % do produto interior bruto nacional. Cada ano diagnostícanse uns 40.000 novos casos e estímase que o 80 % deles que aínda son leves están sen diagnosticar. Por este motivo este tipo de charlas e conferencias en torno a saúde son tan importantes.

    Mesa redonda “Día Mundial do Alzhéimer”

    Data: mércores, 21 de setembro.
    Hora: 19:30 horas, durando ate case as 22:00 horas da noite.
    Onde: Multiusos da Xunqueira (Paseo da Xunqueira, s/n, 36800 Redondela, Pontevedra).

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.