A Xunta de Goberno da Deputación de Pontevedra vén de recoñecer o traballo que realiza o Servizo de Normalización Lingüística do Concello de Redondela, dependente da concellería que xestiona a alcaldesa Digna Rivas, coa concesión dunha subvención de 20.000 euros –a máxima cantidade posible– dentro das axudas que o organismo provincial outorga para o reforzo e mantemento do SNL nos concellos.
A concelleira de Normalización Lingüística e alcaldesa de Redondela, Digna Rivas, quixo destacar “a importancia da colaboración e apoio da Deputación en materia de normalización lingüística”. A rexedora local adiantou que esta axuda “permitirá avanzar en varios proxectos que o SNL de Redondela ten en marcha”.
Lembrou Digna Rivas que nesa liña de traballo, recentemente presentouse o proxecto de recuperación e conservación da microtoponimia do municipio e, con esta axuda, “poderemos seguir avanzando noutros proxectos innovadores cos cales quere integrar a novos axentes no proceso de normalización lingüística, dende o comercio local até o ensino pasando por áreas tan diferentes como as persoas maiores ou o tecido cultural”.
A alcaldesa redondelá lembrou que Redondela “foi e segue a ser un referente en materia de normalización lingüística” e, historicamente, “un dos primeiros concellos de Galicia en apostar e normalizar o uso do noso idioma nas relacións da administración local coa cidadanía”.
“O noso idioma defínenos como pobo ao igual que a cultura e o patrimonio e como sinal de identidade, temos non so que conservalo, senón fomentar o seu uso”, conclúe Rivas.
A Deputación recoñece o traballo do SNL de Redondela cunha subvención de 20.000 euros
A Xunta de Goberno da administración provincial concedeu a Redondela a cantidade máxima establecida
LIBROS
Amador Castro Moure, «Pronto hei de volver»
A emigración, como non podía ser doutra maneira, é un deses temas aos que a literatura galega volve unha e outra vez. Dende distintas perspectivas e con diferentes enfoques e intencións, forma parte troncal do noso sistema literario dende o momento en que comezou a tomar forma.
Xosé M. Eyré, «Ou as dúas estaredes mortas»
Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.
Raquel Castro, «Sobremesas sobre versos»
Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.