10.2 C
Pontevedra
Venres, 29 de Marzo de 2024
Máis
    HomeComarcasRedondelaA Concellería de Novas Tecnoloxías oferta cursos de formación gratuítos nas aulas...

    A Concellería de Novas Tecnoloxías oferta cursos de formación gratuítos nas aulas CeMIT de Chapela e Redondela

    Redondela oferta oito prazas e Chapela doce, para diferentes cursos de formación informática, dende o mes de marzo ata rematar o ano 2022

    A Concellería de Novas Tecnoloxías que xestiona Olga García Ballesteros desenvolverá, durante este ano 2022 un programa que incluirá ata 10 horas de formación nas súas duas aulas CeMIT de Redondela e Chapela. Trátase dunha serie de accións formativas –totalmente gratuítas aínda que con prazas limitadas– que tratarán de achegar as ferramentas informáticas máis comúns e utilizadas á poboación, achegar á veciñanza a administración electrónica e impartir contidos máis específicos noutros casos.

    A alcaldesa de Redondela, Digna Rivas, fixo fincapé na importancia destas actividades formativas “nun mundo cada día máis informatizado e no que os trámites na liña supoñen un xeito rápido e eficaz de realizar trámites coas administracións”.

    Un programa formativo completo, que combinará formacións curtas con cursos dunha duración de ata tres meses. Como novidade se desenvolverán sesións individuais con cada asociación que o requira, obradoiros de uso de teléfonos multimedia e tablets ou ferramentas que se poden utilizar dende a nube sen necesidade de instalar ningún programa.

    A idea é dividir a formación deste ano en catro módulos, o primeiro dos cales arrincará en marzo e terá unha duración de dous meses, nos que se impartirán os seguintes contidos:

    Cursos en Aula CeMIT Redondela marzo e abril

    • Alfabetización dixital Windows 10 e Internet (24 horas)
      • 2 de marzo a 27 de abril
      • Luns e mércores de 9.30 h a 11.00 h.
    • Mecanografía co computador (16 horas)
      • 2 de marzo a 27 de abril
      • Luns e mércores de 11 h a 12 h.
    • Tarefas de oficina con Writer e Calc (24 horas)
      • 2 de marzo a 27 de abril
      • Luns e mércores de 12 h a 13 h.
    • Aula Aberta – os venres : Seminarios de Subvencións co concello e taller de informática para adultos (dúbidas, consultas de cidadáns e asociacións), un venres en Redondela e o outro en Chapela.

    Cursos en Aula CeMIT Chapela marzo e abril

    • Aplicacións Google (24 h)
      • 1 de marzo a 28 de abril
      • Martes e xoves de 9.45 h a 11.15 h.
    • Internet e correo electrónico (16 h)
      • 1 de marzo a 28 de abril
      • Martes e xoves de 11.15 h a 12.15 h.
    • Drive ofimática na nube (24 h)
      • 01 de marzo a 28 de abril
      • 12.15 h a 13.45 h
    • Aula Aberta – os venres: Seminarios de Subvencións co concello e taller de informática para adultos (dúbidas, consultas de cidadáns e asociacións), un venres en Redondela e o outro en Chapela.

    As matrículas deste primeiro módulo se abrirán a partir do vindeiro 7 de febreiro, as instancias para participar nos cursos poderánse recoller na páxina web de redondela (www.redondela.gal), no Centro de Formación A Marisma (ao carón da piscina municipal) e no edificio Multiúsos da Xunqueira en Redondela. En Chapela poderánse solicitar nas Dependencias dos Servizos Sociais.

    A presentación de ditas solicitudes e a documentación precisa, farase nos rexistros habilitados no Concello de Redondela (incluíndo a sede electrónica, onde estará o formulario a disposición) tendo en conta que a selección será por orde de inscrición. Posteriormente, ao alumnado con praza concedida se lle chamará por teléfono para confirmar a súa participación.

    Toda a información estará dispoñible na web municipal (www.redondela.gal) a partir da semana próxima e se atenderán as consultas no mail formacion.informatica@redondela.gal ou na aula de Redondela de 10:00 a 13:00 horas de luns a venres, durante o mes de febreiro.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.