8.7 C
Pontevedra
Xoves, 28 de Marzo de 2024
Máis
    HomeComarcasRedondelaA Concellería de Igualdade pon en marcha o programa “Mulleres en rede”...

    A Concellería de Igualdade pon en marcha o programa “Mulleres en rede” para fomentar o empoderamento da muller no rural

    O programa que tiña previsto iniciarse en marzo do 2020, foi suspendido ao entrar en vigor o estado de alarma

    Buscar o empoderamento da muller no medio rural como medio para acadar unha igualade real, entre homes e mulleres”. Así define a alcaldesa de Redondela, Digna Rivas, o programa Mulleres en rede, unha actividade participativa e interactiva posta en marcha pola Concellería de Igualdade e que, en marzo de 2020 a poucos días do seu inicio, tivo que ser aprazado pola entrada en vigor do estado de alarma decretado por mor da pandemia da Covid.

    O programa, que comezará este vindeiro martes, 5 de outubro ás 17 horas, no Centro Cultural A Miñoteira de Ventosela coa primeira das cinco sesións das que consta a iniciativa para, posteriormente, desenvolverse por todas e cada unha das parroquias redondelás.

    “Se a desigualdade aínda é algo evidente na nosa sociedade –asegura a alcaldesa redondelá– esta deixase sentir especialmente no medio rural polas propias características que esas zonas teñen na vida das súas xentes”.

    Mulleres en Rede é, fundamentalmente, un obradoiro interactivo e de participación. Comezará cunha xornada de convivencia na que, logo da presentación do proxecto e dos seus obxectivos e de presentación das participantes, pasaráse a elaboración dun ‘mural colaborativo’, un papel continuo en branco no que baixo o título A discriminación das mulleres no ámbito rural, título que pode tamén variar atendendo ás suxestións que presenten as participantes, estas expresarán as súas reflexións, tanto individuais como en grupo, sobre temas como poden ser as discriminacións de trato que sofren as mulleres rurais con respecto ás mulleres das cidades.

    Mulleres en Rede supón, para Iria Lamas, concelleira de Igualdade “poñer sobre a mesa os problemas específicos que en materia de igualdade afectan ás mulleres do noso rural e difiren bastante das situacións ás que se teñen que enfrontar aquelas que viven nas cidades”.

    “É imprescindible –afirma a concelleira– que a sociedade tome conciencia do imprescindible papel da muller en case todos os ámbitos e, para iso, é preciso contar con programas como este que fomenten o empoderamento das mulleres no camiño á igualdade, o único xeito de construír unha sociedade xusta e decente”.

    Obradoiros para prevención da Violencia de Xénero

    O proxecto Mulleres en Rede tamén poñerá en marcha unha serie de obradoiros para a prevención da Violencia de Xénero “unha das peores lacras que ten a nosa sociedade” coinciden en afirmar Digna Rivas e Iria Vilaboa.

    “Non se trata de charlas –explica Iria Vilaboa– senón de actividades dinámicas que se desenvolven a través da participación activa das mulleres con xogos, música, lectura de noticias ou traballos creativos, entre outros”.

    Os obradoiros constan de tres módulos:

    • MÓDULO I: Introdución da perspectiva de xénero e interseccional con especial atención as mulleres rurais.
    • MÓDULO II: A violencia de xénero e as súas manifestacións.
    • MÓCULO III Prevención e mecanismos de protección ante as violencias de xénero: a figura da mediadora en violencia de xénero.

    Todas e cada unha das actividades de Mulleres en Rede, insiste a concelleira de Igualdade, “están pensadas como iniciativas dinámicas, de participación, de intercambio de experiencias e de propostas das participantes, os mellores xeitos para ir dando pasos cara a igualdade e á xustiza social”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.