O Concello de Redondela vén de dar conta que A Feira, que se tería que celebrar o día 21, trasládase ao 28 de maio dada a súa coincidencia coa celebración do XXIV Festival Internacional de Títeres. Ese día, explica o Concello, “haberá numerosos espectáculos e actuacións por toda a vila que impedirán a correcta instalación dos comerciantes”. O día 28 de maio o horario será o habitual, non haberá máis cambios que esta nova data temporal.
A alcaldesa, Digna Rivas, explica que “a celebración do XXIV Festival Internacional de Títeres é un evento multitudinario para o que se esperan miles de persoas de Redondela e de fóra do municipio, polo que é necesario este cambio de data. Celébrase do 15 ao 21 de maio e dende o Concello desexamos o éxito no desenvolvemento do último día do evento e tamén o correcto funcionamento da feira que é un dos momentos con máis movemento do mes na vila”.
