Pese a que por mor da situación sanitaria é imposible realizar as charlas informativas que o Concello de Salvaterra de Miño, que preside Marta Valcárcel, realizaba anualmente cara a concienciación sobre o problema que supón a vespa velutina, o Concello quere facer “unha chamada de atención á veciñanza sobre a importancia do trampeo neste momento”.
Lembra o Concello salvaterrense que, “xa que é mo momento de coller as raíñas, co simple xesto de colocar unha trampa podemos facer moito”. Por ese motivo, o Concello, enmarcado nesa campaña de concienciación, repartirá 100 trampas e máis de 200 doses de líquido atraínte. Todas as persoas interesadas poderán pasar polo Concello a recoller a trampa e a correspondente dose de líquido.
