O Concello de Salvaterra vén de aprobar no Pleno e de elaborar os convenios das subvencións nominativas para Asociacións Culturais, Deportivas e para Deportistas de carácter Nacional.
Sen dúbida, isto supón un grande esforzo que o Concello estima preciso para que as distintas asociacións teñan maior capacidade para levar a cabo as súas funcións, tanto a nivel cultural coma deportivo.
Ao mesmo tempo, Salvaterra presume de moitos deportistas individuais de carácter nacional, sendo, nalgún caso, deportistas que xa gozan dun recoñecemento internacional.
Por todo iso, cómpre por en valor o proceso e o custe que supón para todas estas asociacións e para os propios deportistas, polo que o Concello destina gran parte do seu traballo en fomentar este tipo de actividades, que enchen de orgullo e que fan de Salvaterra un lugar idóneo para práctica deportiva e para a realización de eventos culturais.
Este ano, o investimento total paras as diferentes subvencións nominativas é de mñais de 117.000€, que se dividen en tres partes, asociacións culturais, asociación deportivas e deportistas de carácter nacional.
O Grupo de Goberno desexa transmitir os parabéns e recoñercerlle a súa labor tanto as asociacións, clubes e aos propios deportistas.
