Preto de 2.000 persoas, no Enterro da Lamprea de Salvaterra de Miño

O sempre triste e luctuoso «Enterro da Lamprea»

O Concello de Salvaterra de Miño pecha as inscricións do Enterro da Lamprea 2019 coa participación de 19 carrozas e preto de 2.000 persoas desfilando polas rúas da vila. O desfile, que arrancou no ano 2007, ano a vaise consolidando sendo, hoxe en día, un evento de referencia na comarca e que conta coa participación de comparsas de toda a contorna.

Este comparsas de Salvaterra, Salceda, Tui, Mos, Ponteareas, Porriño, As Neves e Nigrán daránse cita en Salvaterra de Miño para para encher de ledicia a todas as persoas que se achegan á vila fronteiriza para gozar desta festa.

O Entroido de Salvaterra tamén da a oportunidade de participar a todos aqueles que o queiran sen formar parte de ningunha carroza ou comparsa, a través da comitiva da defunta lamprea, formando parte dese grupo de ‘choronas’ que fan o percorrido dándolle o último adeus a defunta, unha lamprea símbolo tamén da riqueza gastronómica do municipio.

O desfile arranca ás 17:00 h do sábado 9 de marzo, percorrerá diversas rúas da vila e rematará na Praza do Concello, onde se dará lectura ao testamento e se queimará a Lamprea. Ademais de moita diversión, todos os asistentes poderán desfrutar dun chocolate quente, que un ano mais tamén terá en conta as intolerancias, ofrecendo chocolate sen gluten.