12 C
Pontevedra
Venres, 29 de Marzo de 2024
Máis
    HomeO CondadoSalvaterra de MiñoO CPA Condado de Salvaterra consigue o Bronce no Campionato de España...

    O CPA Condado de Salvaterra consigue o Bronce no Campionato de España de Grupos Show Junior

    Os pasados días 20 e 21 de maio celebrouse en Alcoy (Alacante) o Campionato de España de Grupos Show Junior e Cuartetos e o Trofeo Ciudad de Alcoy-Copa de España de Grupos Show Pequenos e Grandes.

    O CPA Condado cultivou 2 grandes éxitos que sumará ao seu exitoso palmarés. Os patinadores de Grupos Show Junior do Condado ( Ines Pose, Noa Garcia, Zoe García, Maria De Sa, Dubra Outeiro, Marta Alvarez, Xabi Gomez, Ronsel Groba, Marta Cabaleiro, Mara Amil, Aldara Balboa, Laura Perez, Daniela Rodriguez, Luana Rodriguez, Xiana Covelo e Lucia Soto) coa coreografía “Detrás da Pel” conseguiron por primeira vez para Galicia unha medalla nesta categoría, cunha participación de 22 Grupos de todo o país. Eduardo Caride, director técnico do club, mostrábase moi agradecido e emocionado polos resultados obtidos, pero aínda quedaba máis, o sábado 21 de Maio o Grupo Pequeno do Condado (Aldara Balboa, Laura Perez, Daniela Rodríguez, Mara Amil, Xiana Covelo, Maria Abril, Nair Pimentel, Maria Montes, Eliana Rodriguez, Carmen De Sa e Iría Groba) conseguía o ouro no Trofeo Ciudad de Alcoy- Copa de España coa coreografía “Sharon”.

    Estes éxitos débense ao compromiso e constancia dos patinadores, á disciplina dos adestramentos e aos ensinos dos técnicos do club, que se mostran moi orgullosos polos resultados desta tempada.

    A próxima cita para o Condado será no IV TROFEO SALVATERRA MILENARIA que se celebrará o domingo 5 de Xuño no Pavillón Municipal Cándido Carrera. Nesta edición do trofeo daranse cita 18 clubs de toda a comunidade e máis de 300 patinadores. A competición comezará ás 16:30 h e contará coa presenza do CPA Gondomar, subcampión do Mundo nos World Roller Games de Barcelona 2019 e actuais Subcampións de España de Grupos Show Pequenos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.