A directora xeral de Administración local vista as obras realizadas na Casa da Cultura de Salvaterra

A directora xeral de Administración Local da Xunta de Galicia, Marta Fernández-Tápias, acompañada pola alcaldesa de Salvaterra de Miño, Marta Valcárcel Gómez, visitaron as obras de mellora de eficiencia térmica que se teñen realizado na Casa de Cultura e que contaron cun investimento de 48.150,25 €.

As obras, financiadas pola Consellería de Presidencia, Administracións Públicas e Xustiza, consistirón na súa meirande parte na substitución de ventanais por outros con maior illamento térmico que permitirá un importante aforro enerxético e melloran as condición de habitabilidade do edificio.

Ademási a Directora Xeral tamén aproveitou a ocasión para comprobar o funcionamento do salvaescaleiras que se ven de instalar no mesmo edificio co fin de dotalo da máxima accesibilidade posible. Actuación estaba enmarcada dentro do programa de Mellora de Infraestruturas da Consellería de Presidencia que cofinanciou esta obra.