A parroquia de Xinzo, no concello de Ponteareas, volve a celebrar unha nova edición do seu festival de corais o próximo sábado 30 de abril ás 19:30h no auditorio do Centro Cultural de Xinzo.
O Coro de Oleiros (A Coruña) acompañará á Coral Cantares de Xinzo no seu terceiro festival que organiza a Asociación Banda de Música Xuvenil de Xinzo, como entidade que integra á Coral de Cantares de Xinzo.
As dúas corais ofrecerán un repertorio variado que de seguro deleitará ao público presente. O presidente, Francisco J. Represas, invita a todas as persoas a acudir a esta nova cita do festival de corais que pretende converterse nun referencia en todo Ponteareas, como así o demostran as cifras de público asistente e calidade artística que melloran en cada edición.
A entrada será libre ata completar as 200 butacas de aforo máximo do auditorio.
