8.7 C
Pontevedra
Xoves, 28 de Marzo de 2024
Máis
    HomeO CondadoPonteareasVolve o cine ao parque da Feira Vella con 'Grease'

    Volve o cine ao parque da Feira Vella con ‘Grease’

    A proxección será mañá martes ás 22:00 horas con entrada de balde, pero con aforo reducido

    O Parque da Feira Vella de Ponteareas volverá a converterse mañá martes nunha sala de cine ao aire libre. Ás 22.00 horas comezará a proxección de Grease”, o musical que marcou a varias xeracións e deixou a súa pegada no cinema dos anos 70.

    O concelleiro de Eventos, Miguel Bouzó, destaca que esta actividade “está sendo un éxito”, e afirma que é unha mostra máis da “aposta do Concello para encher as rúas de cultura de forma segura”. Grease será a terceira película que se proxecta en Ponteareas durante o mes de agosto, a primeira foi Cuñados, e a segunda Padre no hay más que uno 2.

    O musical lévanos ao verán de 1959, cando Sandy (Olivia Newton John) e Danny (John Travolta) pasaron un romántico e marabilloso verán xuntos, pero, cando as vacacións acábanse, os seus camiños sepáranse. Inesperadamente, volven verse no instituto Rydell, pero a actitude de Danny xa non é a mesma: xa non é o mozo encantador e atento que namorou a Sandy; agora é soberbio e insensible.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.