13.6 C
Pontevedra
Xoves, 18 de Agosto de 2022
Máis
    HomeO CondadoPonteareasVerán de deporte en Ponteareas

    Verán de deporte en Ponteareas

    As Escolas Deportivas regresan un verán máis a Ponteareas cunha morea de propostas para que cativos e cativas a partir de 3 anos e mocidade gocen dunhas vacacións estivais activas. “Con estas escolas buscamos fomentar hábitos de vida saudábeis entre as novas xeracións e promocionar entre todas as persoas o deporte como unha alternativa de lecer, dando ademais a oportunidade a rapaces e rapazas de probar diferentes modalidades deportivas, algunhas menos coñecidas”, explica o concelleiro de Deportes, Miguel Bouzó, que destaca ademais que o Concello quere “que nenos e nenas descubran a importancia do deporte e o incorporen á súa vida cotiá, non só estes meses de verán, senón durante todo o ano”.

    Xa está aberto o prazo de inscrición para participar en ata 11 disciplinas deportivas dirixidas a infancia e mocidade que serán totalmente de balde e con prazas limitadas. As familias interesadas poden facer xa a súa solicitude a través do Rexistro de entrada do Concello.

    Esta edición das Escolas Deportivas de verán chega con algunhas novidades entre as súas propostas, como a práctica da loita libre olímpica para rapaces e rapazas de 8 a 16 anos da man da Federación Galega de Loita a segunda quincena de xullo e agosto os mércores ás 12.00 h no pavillón do IES Val do Tea. Este ano tamén estará no cartel o boxeo e a defensa persoal, con sesións para maiores de 12 anos a primeira quincena de agosto martes e xoves ás 11.00 h no pavillón do IES Val do Tea coa colaboración de LEAM training.

    De 4 a 11 anos tamén poderán practicar hóckey os mércores (10.30 h) da segunda quincena de xullo no pavillón 1 do Complexo Deportivo Álvaro Pino co Hóckey Club Ponteareas e patinaxe os xoves ás 17.00 h da segunda quincena de xullo e agosto no pavillón 2 co Club Patinaxe Luar e sen límite de idade. Rapaces e rapazas de 5 a 16 anos tamén poderán facer taekwondo no pavillón do IES Val do Tea os martes e xoves (11.00 h) da segunda quincena de agosto con LEAM training ou mércores e venres (10 h) durante todo o mes de agosto coa colaboración do Club Sport Factory.

    Ademais, tamén poderán inscribirse en fútbol sala para participantes de 6 a 16 anos na segunda quincena de xullo os xoves ás 19.00 h no pavillón do Complexo Deportivo Álvaro Pino con Fútbol 40×20, a partir dos 5 anos en tenis os mércores ás 12.00 h na segunda quincena de xullo e agosto nas pistas de tenis municipais da Freixa co Club Tenis Ponteareas ou en natación a primeira quincena de agosto, con clases de luns a xoves co Club Natación Ponteareas ás 15.30 horas para nenos e nenas de 6 a 8 anos e ás 16.30 horas a partir dos 9 anos.

    Este ano volve tamén o wu-shu, do que poderán gozar rapaces e rapazas de 5 a 16 anos a segunda quincena de xullo martes e xoves ás 10.00 h no pavillón do IES Val do Tea co Club Sport Factory. Se o que prefiren é baloncesto, poderá desfrutarse os xoves (16.00 h) da segunda quincena de xullo e agosto no pavillón do Complexo Deportivo Álvaro Pino da man do Club Baloncesto Condado. Cativas e cativos poderán tamén achegarse á práctica do billar, a partir dos tres anos poderán practicalo os mércores do mes de agosto ás 18.30 horas na Casa Cultural de Bugarín co CBS Sportivo e a partir dos 7 anos os xoves 28 de xullo e 11 e 25 de agosto ás 18.00 horas no Centro Artístico Sportivo co CAS La Escuela de Billar. 

    O concelleiro de Deportes anima a todos os nenos, nenas e mocidade a participar un ano máis das escolas deportivas de verán e agradece “o gran labor e a boa disposición dos diferentes clubs e asociacións para que un ano máis poidamos levar adiante estas actividades”.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS