7.5 C
Pontevedra
Sábado, 4 de Febreiro de 2023
Máis
    HomeO CondadoPonteareasUnha plataforma veciñal chama a manifestarse o sábado en contra da planta...

    Unha plataforma veciñal chama a manifestarse o sábado en contra da planta de biomasa de Ponteareas

    A plataforma sinala problemas medioambientais, de saúde pública e de posible ilegalidade urbanística e "usurpación de terreos de titularidade privada" como argumentos para que o Goberno reconsidere a súa postura

    Falta de información, posible usurpación de terreos de titularidade privada, suposta ilegalidade urbanística, contaminación ambiental e efectos daninos sobre a saúde pública. Estes son os motivos que a plataforma veciñal, que agrupa a preto de 200 persoas, argumenta para convocar unha protesta diante do Concello contra a instalación dunha planta de biomasa no casco urbano a fin de que o Goberno local reconsidere a ubicación desta instalación da que, afirman, “a veciñanza non tivo información algunha”.

    A esta presunta falta de información, explican portavoces da plataforma, engádense a instalación de “ata catro chimeneas de 18 metros de altura en pleno casco urbano”. Se ben no proxecto redactado por un inxeñeiro técnico industrial sinálase que se instalará unha chimenea “de 18 metros e 4,5 metros de diámetro” o propio informe engade que se deseña unha “estrutura metálica autoportante” cos cálculos estruturais necesarios “para a posibilidade de instalar ata catro chimeneas”.

    Doutra banda a Plataforma insiste sobre a “non municipalidade” dos terreos nos que se está montando a instalación. Nese punto aseguran que “son de propiedade privada” e que a maiores “usurpan un parque biosaudable” para usuarios e usuarias do Centro de Día. Asemade, a Plataforma insiste sobre o uso do solo no que se está a instalar a planta de biomasa e que está recollido no Decreto 180/2004, do 29 de julio, de suspensión das normas subsidiarias de planeamento municipal de Ponteareas, publicado en el DOG nº 148 de 2 de agosto de 2004.

    Neste documento, afirman os veciños e veciñas que forman a plataforma, na Ordenanza 7 sobre Equpamentos e dotacións públicas aseguran que, como usos permitidos, “está descrito o de sanitario e asistencial” se ben é certo que, nese mesmo apartado, sinálase que “se trata en ambos casos de servizos de interese público relacionados coa saúde e benestar dos cidadáns, dentro dos que podemos enmarcar os servizos conducentes a prover dito benestar, como o que nos ocupa de calefacción e auga quente sanitaria”. Segundo isto, a instalación dunha planta de biomasa estaría dentro dos usos permitidos.

    Outros dos puntos nos que insiste a plataforma veciñal, íntimamente ligados son os da contaminación ambiental e os posibles efectos sobre a saúde. No impacto medioambiental, a Plataforma insiste que a acidificación é un dos efectos da instalación sobre o medio ambiente e aseguran que dita acidificación “causa grandes danos as augas doces, bosques, solos e ecosistemas sensibles á acidificación”.

    No que aos efectos sobre a saúde, aluden a supostos efectos canceríxenos e aluden novamente ao proxecto do inxeñeiro técnico –e non a un informe de expertos en saúde– que di que entre as emisiones de diversas substancias “canceríxenas” atópase o PCB (policloruro de bifenilo) que, asegura a Plataforma veciñal “está considerado polo Programa das Nacións Unidas para o Medio Ambiente como “un dos doce contaminantes máis nocivos fabricados polo ser humano”.

    Estes son os motivos que levan a plataforma a convocar unha concentración de rexeitamento a instalación da planta de biomasa, concentración que terá lugar mañá sábado, 12 de setembro, ás 12 h diante da Casa do Concello.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS