O programa Cultura24 regresa de novo esta fin de semana as parroquias de Ponteareas con risas a esgalla. Ao abeiro desta iniciativa, o Concello levará este domingo 30 de abril ao escenario do Centro Cultural de Prado a obra ‘Ladrillos’, un novo enredo cómico co que o grupo de teatro ‘Pedra do Eequilibrio’ fará gozar ao público.
Unha tarde de lecer e diversión para todas as idades que comezará ás 20.00 horas. Como en todas as actuación do programa Cultura24, a entrada será totalmente de balde ata completar aforo.
O concelleiro de Cultura, Fernando Groba, anima a toda a veciñanza a achegarse a Prado “para pasar un rato de lecer e gozar da programación do Cultura24, un programa que busca ofrecer a todas e todos os ponteareáns un amplo abano de actuacións gratuítas que permiten tamén dinamizar as nosas 24 parroquias, dar visibilidade ás agrupacións musicais, teatrais e culturais da vila e promocionar todo tipo de arte”.
