A plataforma polo saneamento de Ribadetea solicitou por Rexistro una reunión coa Directora de Augas de Galicia para insistir en reclamar a redacción do proxecto de execución da totalidade da parroquia. Cómpre salientar que actualmente estase a redactar un proxecto de execución parcial que abarca tal solo ó 20 % dos veciños de Ribadetea.
Dende a Plataforma consideran que a redacción do proxecto tiña que contemplar a totalidade da rede de saneamento de augas residuais, que dera servizo ó 100 % dos veciños, ainda que posteriormente as obras poidan ir adxudicándose por fases sucesivas.
Considera a plataforma veciñan que a forma de proceder de Augas de Galicia, vai demorar excesivamente no tempo que se poida completar e dar o servizo á totalidade da parroquia e lembran que Ribadetea está dentro da rede Natura 2000 e que por parte da Unión Europea existen actualmente fondos extraordinarios suficientes para obras de Medio Ambiente. “non vemos a necesidade de demorar artificiosamente a realización de proxecto de execución para posteriormente acometer as obras de saneamento de toda a parroquia de Ribadetea”, apuntan dende a Plataforma.
Por tanto solicitan unha reunión con Teresa Gutiérrez “para expoñerlle as nosas demandas, convencidos de que a administración autonómica as comprenderá e poderemos chegar a un acordo plenamente satisfactorio”.
