11.5 C
Pontevedra
Venres, 9 de Decembro de 2022
Máis
    HomeO CondadoPonteareasPonteareas triunfa no Campionato de España Infantil e Precadete de taekwondo

    Ponteareas triunfa no Campionato de España Infantil e Precadete de taekwondo

    Grandes resultados para o taekwondo ponteareán. O equipo da escola Leam de Ponteareas regresou do Campionato de España cun total de nove medallas, unha de prata conseguida na categoría infantil e dous ouros, catro pratas e dous bronces na categoría precadete, “o que demostra o gran momento que está a vivir este deporte na nosa vila”, destaca o concelleiro de Deportes, Miguel Bouzó.

    O equipo ponteareán regresou do campionato con dous novos campións de España, Ana Segovia e Iago Pérez, así como con catro subcampións, Estela Pereira en infantil e Olga González, Ángela Campos e Pedro Dasilva no campionato precadete. Subiron tamén ao podio Noa Xi Moliner e Icía Sosa, que acadaron medalla de bronce. Gran actuación tamén a de Efrén no campionato infantil, e do ponteareán Bruno Docampo, que non tiraron a toalla en ningún momento.

    Estes bos resultados repetíronse tamén no Open Internacional Cidade de Pontevedra, no que Uxía Sánchez facíase co bronce na categoría júnior e Noa Rodríguez na cadete. Gran primeira ronda para Ilai Loren, que non puido continuar a competición tras perder na segunda contra o actual subcampión de España. Pola súa banda, Mario Faro tivo que retirarse por un contratempo tras chegar de quedar campión no Open Internacional de Ribeira e de ser escollido o mellor competidor do torneo na categoría cadete.

    Bouzó quixo felicitar a todas e todos os deportistas participantes nestes campionatos e aos seus formadores polos logros acadados, pero tamén “polo seu esforzo e traballo e polo alto nivel que amosan en cada competición, que fai que esta modalidade deportiva suscite cada vez máis interese en Ponteareas”.

    COLABORACIÓNS

    Nazaret López, «Pecados veniais»

    Ás veces non resulta doado establecer o punto no que se sitúa a liña feble que separa uns xéneros literarios de outros. É coma participar nunha especie de xogo no que os autores rachan as barreiras establecidas e descolocan ao lector, quizais para provocar unha lectura diferente do texto que presentan.

    Despilfarro

    Según la RAE, despilfarro significa "Gasto excesivo y superfluo" y la verdad, que no se me ocurre un término mejor para definir lo que está ocurriendo en muchos de nuestros ayuntamientos con tantas plazas a arreglar y tanto peatonolizar.

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    74 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS