9.3 C
Pontevedra
Luns, 24 de Xaneiro de 2022
Máis
    HomeO CondadoPonteareasPonteareas, sede esta fin de semana do Campionato Galego de Longa Distancia...

    Ponteareas, sede esta fin de semana do Campionato Galego de Longa Distancia de natación

    Máis de 80 deportistas daranse cita na piscina do complexo deportivo Álvaro Pino para disputar esta proba que puntúa para o campionato de España

    Ponteareas volve ser unha vez máis sede dunha das probas de natación máis importantes do panorama deportivo. Este domingo 12 de decembro o complexo deportivo Álvaro Pino acollerá ás e aos mellores fondistas de Galicia coa celebración do Campionato Galego de Longa Distancia, unha proba que reunirá a arredor de 80 nadadores e nadadoras de alto nivel, entre os que destacan María de Valdes ou Paula Otero, nadadoras internacionais en augas abertas e en piscina coa selección española, ou Iria Lemos, medalla de bronce infantil no último campionato de España de augas abertas.

    Unha vez máis “temos na nosa vila moito máis que deporte, xa que sempre se xeran grandes sinerxías a nivel económico e turístico e incluso de participación nas actividades organizadas dende o Concello, e iso é algo ao que sempre lle debemos dar pulo”, salienta o concelleiro de Deportes, Miguel Bouzó. O edil quixo agradecer o traballo desenvolvido polo Club Natación Ponteareas na organización desta e doutras probas na vila “sempre con eses valores e cunha amplitude de miras que favorece non só ao deporte, senón tamén ao conxunto da veciñanza”.

    O concelleiro tamén quixo felicitar ao club “por ser punteiros a nivel tecnolóxico, o que nos permite seguir todas as competicións a través das redes e con medios propios”, así como agradecer a implicación tamén da Federación Galega de Natación e das entidades privadas “que fan posible este tipo de encontros e que sigamos remando xuntos para converter a Ponteareas en sinónimo de natación”.

    En sesión de mañá, a partir das 11.00 horas, disputaranse as probas de 2.000 m infantil, mentres que pola tarde a partir das 17.00 horas desenvolveranse as probas de 3.000 m júnior e sénior. Aínda que o campionato estará aberto ao público de forma presencial cun aforo de 100 parazas para garantir a seguridade e saúde de todas e todos, tamén poderá seguirse vía streaming a través da canle de Youtube do equipo ponteareán.

    O presidente do club, Andrés Carrera, valorou o impacto que terá para Ponteareas esta nova competición, “unha das 10 que adoitamos organizar e que traen á vila cada ano arredor de 1.500 deportistas, dos que máis do 75% son de fóra do municipio”. Tamén quixo agradecer a colaboración do Concello, da Federación e das entidades privadas para celebrar este campionato galego “no que as mellores nadadoras e nadadores de longa distancia buscan puntuar para o Campionato de España que se celebrará a finais de xaneiro”.

    Pola súa banda, o presidente da Federación Galega de Natación, Carlos Touriño, salientou que o campionato de longa distancia “é a base da competición en augas abertas, na que Galicia e sobre todo Ponteareas é potencia estatal. Animamos a toda a veciñanza a que goce deste campionato, que sempre ten algo especial porque nel podemos ver aos nosos maratonianos”. Durante o acto de presentación o presidente da Federación tamén amosou o seu malestar ante os cambios anunciados na piscina municipal da Cañiza, que eliminará un dos vasos e reducirá o fondo da piscina grande quedando a un nivel profundo de 1,30 e 1,20 m, limitando a práctica deportiva profesional e restando servizos aos usuarios e usuarias.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS