9.6 C
Pontevedra
Xoves, 28 de Marzo de 2024
Máis
    HomeO CondadoPonteareasPonteareas renovará dous vieiros no parque forestal da Picaraña

    Ponteareas renovará dous vieiros no parque forestal da Picaraña

    O Concello de Ponteareas mantén a súa aposta por mellorar a rede municipal de estradas e vieiros en toda a vila. Nese camiño, a Concellaría de Vías e Obras vai comezar a renovación de dous vieiros no parque forestal da Picaraña, onde se realizará a pavimentación nas dúas pistas de acceso dende o barrio de Canedo e As Cachadas ata a confluencia co acceso dende a parroquia de Arcos. “A súa proximidade ao parque da Picaraña e ao centro urbano fai que estas sexan unhas pistas moi transitadas tanto a pé como en vehículo, polo que é fundamental acometer a súa renovación”, explica a concelleira, Chus Garrote.

    Xa coa autorización da Dirección Xeral de Patrimonio, as obras comezarán coa limpeza de marxes e apertura de cunetas ao longo de case 2,4 km para despois pavimentar ambos os case 11.000 metros cadrados de superficie de ambos os dous camiños.

    O Concello de Ponteareas vén de sacar estes traballos de mellora a licitación por máis de 118.000 euros, que serán financiados ao abeiro do Plan Concellos 2022-2023 da Deputación de Pontevedra. As empresas e persoas interesadas poderán presentar as súas ofertas ata o vindeiro 28 de outubro ás 14.00 horas.

    Estas obras de mellora forman parte do proxecto do Goberno local para renovar o gran número de estradas coas que conta Ponteareas, dada a gran superficie da vila. “Manter en perfecto estado ese elevado numero de vieiros é complicado, polo que son necesarios levar a cabo todos estes traballos de reparación que nos permitan rexeneralos e mellorar as nosas infraestruturas e o servizo ofrecido á veciñanza”, salienta Garrote.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.