8.9 C
Pontevedra
Venres, 29 de Marzo de 2024
Máis
    HomeO CondadoPonteareasPonteareas rende homenaxe a Castelao

    Ponteareas rende homenaxe a Castelao

    O Concello realizou unha ofrenda floral para reivindicar o seu legado

    Un referente de loita, amor e traballo por Galicia. Iso é o que representa o escritor, pensador e artista galego Alfonso Daniel Rodríguez Castelao, a quen o Concello de Ponteareas realizou este luns unha ofrenda floral para render sentida homenaxe ao legado “dun dos intelectuais galegos máis importantes da nosa historia, un verdadeiro humanista e un referente en cada unha das moitas facetas que desenvolveu ao longo da súa vida”.

    Amenizada polos gaiteiros dos Muíños de Oliveira, con esta homenaxe o Goberno municipal busca un ano máis reivindicar o valor humano pero tamén político deste escritor galeguista “que estivo disposto a todo por mellorar a vida dos galegos e galegas”, así como tamén o enorme valor artístico das súas ilustracións. Un traballo que sempre contou cunha grande acollida por parte de galegos e galegas e que se reflectiu no éxito da exposición no museo municipal na que se recollían unha rigorosa selección de máis de 200 obras que amosaban a evolución deste artista referente na ilustración gráfica no século XX.

    Durante a ofrenda floral, que se celebrou diante da placa na honra de Castelao na avenida do mesmo nome, a alcaldesa Cristina Fernández salientou o vínculo do artista e intelectual coa vila de Ponteareas a través do galeguismo con figuras como Alfredo Guisado e Alejandro Viana.

    O concelleiro de Cultura, Fernando Groba, anima a toda a veciñanza a continuar con esta homenaxe a Castelao visitando as exposicións de láminas do artista que se están a levar a cabo en once centros e casas culturais de Ponteareas. Ata o 12 de febreiro, o público poderá gozar coa obra do artista nas mostras en Arcos, Areas, Cillarga, Guláns, Muíños de Oliveira, Padróns, Xinzo, Arnoso, Bugarín, Celeiros e Guillade, nas que todas as persoas visitantes poderán participar no sorteo de camisetas de Castelao.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.