7.9 C
Pontevedra
Venres, 29 de Marzo de 2024
Máis
    HomeO CondadoPonteareasPonteareas presenta este mércores o calendario que difunde o seu patrimonio cultural...

    Ponteareas presenta este mércores o calendario que difunde o seu patrimonio cultural e natural

    O acto será ás 20.00 horas no salón de plenos da Casa do Concello

    Ponteareas presentará este mércores ás 20.00 horas o seu Calendario Galego 2022 no salón de plenos da Casa do Concello. O seu deseño está baseado nos aspectos máis relevantes do patrimonio cultural e natural da vila do Tea e, en palabras da alcaldesa, Cristina Fernández Davila “será un calendario que poña en valor as grandes singularidades que fan de Ponteareas un lugar único e do que poder presumir”. O acto de presentación estará aberto a toda a veciñanza ata completar aforo.

    O concelleiro de Lingua, Fernando Groba, destaca que o calendario deste ano conta con viñetas de Ignacio Vidales Tomé, o xornalista e caricaturista ponteareán que debutou como debuxante en 1917 na revista Vida Gallega, despois colaborou en El Tea, Don Quijote, El Galleiro, Faro de Vigo e El Pueblo Gallego, e que cos seus debuxos e un estilo sutil e irónico retratou os aspectos negativos dunha Galicia caracterizada pola fame, a pobreza, a emigración e a falla de igualdade social. O edil quere destacar “o gran traballo de Miguel Novoa Iglesias para difundir e poñen en valor a figura de Vidales Tomé”, e afirma que “grazas a súa colaboración podemos contar coas súas viñetas neste calendario”.

    O legado de Vidales Tomé está ben continuado pola boa factura de debuxantes que hai en Ponteareas, como Pablo Prado e Anémona de Río, que publicaron recentemente dous álbums con Galaxia e Xerais: “O derradeiro libro de Emma Olsen”, adaptación da novela de Berta Dávila, e a “A proba da auga”, e tamén Sergio de Arcos. Os tres foron gañadores do premio de banda deseñada de O Garaxe Hermético.

    A partir do xoves todos os veciños que o desexen poderán adquirir o seu calendario de maneira gratuíta na Casa do Concello e na Biblioteca Municipal. “Dende o Concello queremos deixar este agasallo de Nadal a toda a veciñanza”, conclúe o edil.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.