8.3 C
Pontevedra
Xoves, 28 de Marzo de 2024
Máis
    HomeO CondadoPonteareasPonteareas prepárase para gozar dunha nova edición de ‘AndaGuláns’

    Ponteareas prepárase para gozar dunha nova edición de ‘AndaGuláns’

    Todo listo na parroquia de Guláns para acoller unha nova edición da súa andaina máis agardada. A Asociación Artística e Cultural de Guláns en colaboración co Clube de Montaña Xistra e coa Federación Galega e Montañismo e co apoio do Concello de Ponteareas organiza a sétima Andaina de Guláns, ‘AndaGuláns’, o vindeiro domingo 12 de marzo.

    Un ano máis, o público participante poderá optar po calquera das dúas rutas circulares preparadas para a ocasión, unha curta de 12 quilómetros coa que a organización busca atraer a aqueles e aquelas participantes que se están iniciando nas andainas e outra máis longa, a tradicional e cronometrada de 25 km, que puntúa para o IX Open Andainas de Regularidade 25km.

    A andaina sairá ás 09.00 horas para a ruta longa e ás 09.30 h para a curta dende o Centro Cultural de Guláns para discorrer polos montes e ríos da contorna e rematar cun xantar popular con callos e bebida.

    Durante a presentación desta xa tradicional andaina, a alcaldesa de Ponteareas, Cristina Fernández, convidou “a toda a veciñanza a participar neste encontro que nos permitirá coñecer un pouco máis a parroquia de Guláns e a súa riqueza patrimonial e paisaxística gozando dun día na natureza nunha contorna incríble”.

    Pola súa banda, o concelleiro de Deportes, Miguel Bouzó, lembrou que se trata “dunha andaina con dificultade fácil ou media, cunha ruta curta apta para todos os públicos e perfecta para poder desfrutar en familia dun día nunha andaina que nos levará a percorrer os impresionantes penedos da parroquia”. O edil quixo tamén agradecer o traballo que realiza cada ano a Asociación Artística e Cultural de Guláns e o club Xistra, así como a colaboración imprescindíbel de moitos veciños e veciñas e a implicación dos voluntarios e voluntarias de Protección Civil.

    Xa quedan poucas prazas dispoñíbeis para participar. As persoas interesadas poderán inscribirse ata a vindeira semana a través da web do Clube de Montaña Xistra. A entrega de dorsais será de 08.00 a 08.45 horas e haberá avituallamento durante a proba.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.