10.2 C
Pontevedra
Venres, 29 de Marzo de 2024
Máis
    HomeO CondadoPonteareasPonteareas participa nunha recollida de basuraleza na praia da Freixa

    Ponteareas participa nunha recollida de basuraleza na praia da Freixa

    As Concellerías de Medio Ambiente e Voluntariado colaboran coa Deputación de Pontevedra nesta iniciativa, que se desenvolverá este sábado 12 de xuño ás 10.00 h

    A Concellería de Medio Ambiente, dirixida por Rosa María Covelo, e a de Voluntariado, por Miguel Bouzón, apoian á Deputación de Pontevedra na súa participación no proxecto Libera, unha iniciativa de SEO/BirdLife en alianza con Ecoembes para loitar contra a basuraleza a través do coñecemento, a prevención e a participación. Este sábado 12 de xuño, Ponteareas acolle unha gran recollida que baixo o lema de ‘1m2 pola na natureza’ procura non só eliminar lixo, senón tamén a caracterización dos residuos que se atopen.

    O punto de recollida será a praia da Freixa ás 10 h e durará aproximadamente dúas horas. Nesta actividade poderán participar un máximo de 10 voluntarios e voluntarias, acompañadas en todo momento por un monitor. As persoas interesadas deberán encher o formulario web habilitado na páxina da Deputación de Pontevedra dentro do apartado do proxecto Libera.

    Dende a súa posta en marcha hai tres anos, Libera mobilizou a máis de 60.000 persoas e colaborou con máis de 860 organizacións e colectivos, converténdose nun proxecto pioneiro que busca sensibilizar a todos os públicos. Pode consultarse máis información sobre esta iniciativa na propia web do proxecto.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.