Xoves, 13 Febreiro de 2025

Ponteareas entrega os premios do ‘I Concurso de Relatos Ilustrados de Nadal’

A Concellaría de Cultura do Concello de Ponteareas en colaboración coa Asociación Comercial Banastra organizou o I Concurso de Relatos Ilustrados de Nadal, ambientados en Ponteareas, un certame que contaba con tres categorías e que contou cunha ampla participación: 23 relatos na categoría adulta, 10 en categoría xuvenil e máis de 30 na categoría infantil.

O xurado, formado pola escritora María Lado; polo xornalista e escritor Manrique Fernández e polo catedrático de debuxo Berto Álvarez, salientou a calidade e o esforzo das e dos participantes por establecer unha simbiose entre os textos e as ilustracións que os acompañaban, sobre todo na categoría adulta.

Ante o nivel dos relatos, na categoría adulta, decidíuse dar un accésit.

Categoría Infantil

  1. Roi Lamela Rodríguez co relato ‘Papá Noel e os toques de queda’
  2. Iria Barros Rodríguez co relato ‘Concurso de debuxos’
  3. Zoe Rivas Rosende co relato ‘As Chamas’

Categoría Xuvenil

  1. Lidia Martínez Pérez co relato “Un regalo de valor incalculable”
  2. Rebeca Núñez Álvarez co relato “Relato”.
  3. Yanira Pérez Fernández co relato “A lenda do home de vermello”

Categoría Adultos

  1. Isabel Blanco co relato ‘Cea de Nadal’
  2. Alexandro Bouzo Otero co relato ‘Lupus’
  3. María José Pérez Rodríguez co relato ‘A segunda oportunidade’
  4. Áccesit: Tere Ríos co relato ‘Uxía debuxa o Nadal’