10.2 C
Pontevedra
Venres, 29 de Marzo de 2024
Máis
    HomeO CondadoPonteareasPonteareas descobre aos ‘Facedores de imaxes’

    Ponteareas descobre aos ‘Facedores de imaxes’

    O Concello de Ponteareas organiza o vindeiro xoves 23 de febreiro a presentación do libro Facedores de imaxes. Fotografía e sociedade en Vigo. 1870-1915, unha novela de Vítor Vaqueiro na que recolle o paradoxal relato das vidas e da obra da parella formada por Filippo Prosperi e Cándida Otero.  

    Vaqueiro afondará na traxectoria deste home e desta muller que publicaron fotografías nas mellores revistas galegas e estatais, que foron premiados en multitude de concursos e que participaron en numerosas exposicións. Ademais, o libro recolle tamén a súa faceta fotografando a personaxes como Curros Enríquez, José Elduayen ou Cánovas del Castillo ou feitos históricos de primeira magnitude, como as pegadas da guerra colonial cubana ou os alicerces do Vigo moderno.

    O concelleiro de Cultura, Fernando Groba, convida a toda a veciñanza a participar nesta presentación na que o autor estará acompañado polo ilustrador e deseñador ponteareán Pablo Prado. A presentación será ás 20.00 horas na sala multiúsos do auditorio municipal con entrada libre ata completar aforo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.