“Ponteareas da un paso máis para acadar a igualdade e a normalidade”, así o resume a concelleira de Benestar Social e Igualdade, Verónica Carrera, que puxo en marcha os cursos de linguaxe inclusiva programados no Plan de Igualdade e desenvoltos no marco da estratexia EDUSI financiada cos Fondos de Desenvolvemento Rexional (FEDER) da Unión Europea e con fondos propios.
Ao longo do mes de decembro o funcionariado, o persoal laboral e a Corporación poderán participar nas clases de linguaxe inclusivo que buscan detectar erros cotidiás e aportar solucións aos mesmos co propostas e exemplos que farán que a sociedade avance e desterrarán tratamentos pouco axeitados herdados da sociedade patriarcal.
O concello de Ponteareas primará a alternancia de xéneros sen excluir ningún e dando visibilidade aos dous na documentación, instancias, solicitudes e tamén no trato ás persoas. “Buscaremos a igualdade e para iso é imprescindible dar visibilidade a mulleres e a homes e adaptar sempre a nosa comunicación á maioría ou ao colectivo que temos diante”, explica Verónica Carrera que adianta que a igualdade é cousa de todas e de todos, do conxunto da sociedade.
Un dos primeiros pasos, froito da primeira xornada celebrada onte no salón de plenos, será solicitar o cambio no nome do ‘pacto dos alcaldes’ que para Ponteareas debería ser ‘pacto das alcaldías’.
Nos cursos as participantes e os participantes debaten sobre cuestións diarias tan arraigadas que non apreciamos pero que discriminan. A partir de agora Ponteareas afronta unha renovación que conta co apoio de todas e todos conscientes desas barreiras invisibles que ocultan ao 50 % da poboación, ás mulleres.
Exemplos como ‘o solicitante…’ pasará a ser ‘a persoa solicitante’ para evitar prácticas discriminatorias a través da utilizacion do idioma non igualitaria para ámbolos sexos. O emprego de abtractos como ‘a dirección’ substituirá o común ‘o director…’ para marcar a atención nas funcións que se denotan e non nas persoas que as realizan.
O masculino como falso xenérico deixará de ser unha realidade e pasarase a empregar tamén o uso das barras ‘as propietarios e os propietarios’ e abandonaremos esa pereza na escrita e na lectura que prolongaba mensaxes herdadas dunha sociedade antropocéntrica.
Tamén se facilitarán recursos para as comunicacións informais e as nosas concelleiras e os nosos concelleiros darán exemplo de que todas e todos xuntos desenmascararemos actitudes que deben deixar de ser presente.
Pero o curso de linguaxe inclusiva foi máis aló. Verónica Carrera explica que a formación “tamén avanzou no sexismo social e no uso non sexista da imaxe nos medios de comunicación e ofrecéronse ferramentas e manuais para facilitar o traballo diaria do funcionariado e das persoas en xeral”.