17.1 C
Pontevedra
Domingo, 17 de Outubro de 2021
Máis
    HomeO CondadoPonteareasPonteareas contrata a redacción do proxecto de reforma do novo edificio municipal...

    Ponteareas contrata a redacción do proxecto de reforma do novo edificio municipal na Praza Maior

    Esta infraestrutura albergará novos servizos públicos de intensa demanda que revitalizarán a contorna

    O goberno do BNG-PSOE contrata a redacción do proxecto de reforma do novo edificio municipal da Praza Maior. Logo dun proceso de participación para o deseño dos usos desta propiedade de máis de 900m2, o goberno traballará cos técnicos para maximizar as posibilidades deste novo ben municipal.

    Ubicado no número 39 da praza máis emblématica da vila, a reforma cofinanciarase nun 80% polo Fondo Europeo de Desenvolvemento Rexional (FEDER), a través do programa  EDUSI “Ponteareas, Hábitat Saudable”, e nun 20% polo Concello de Ponteareas.

    O novo edificio permitirá dispor de espazos para servizos públicos ou actividades sociais actualmente inexistentes, pero tamén contribuirá á dinamización do casco vello, tanto da propia Praza Maior como das rúas que conectan peonilmente con esta: Oriente, Esperanza, República Arxentina, e outras da zona mais antiga do núcleo.

    “Este edificio municipal súmase aos dous andares adquiridos no edificio da Seguridade Social e suporá unha mellora máis para a cidadanía que atopará novos espazos nos que desenvolver actividades e beneficiarse de distintos servizos públicos independentemente das súas características socioeconómicas”, explica a alcaldesa Cristina Fdez. Davila.

    Con este novo proxecto, o goberno local fomentará tamén a concorrencia de persoas á Praza Maior favorecendo a revitalización urbana e comercial da contorna.

    “Dotar o edificio de identidade e representatividade con servizos deseñados para o desenvolvemento persoal e social diario da cidadanía é un dos obxectivos deste proxecto que ademais permitirá a mellora funcional, ambiental e paisaxística da Praza Maior”, engade a segunda tenente de alcalde Chus Garrote.

    Agora os técnicos teñen o reto de distribuir o espazo dun xeito flexible e versátil para ofrecer actividades e servizos de intensa demanda que atraian a moita xente e de variadas idades, ademais de persoas chegadas de fóra. Unha oficina de atención á cidadanía, unha sala de exposicións tanto fixas como temporais, salas para proxeccións e para actividades formativas, salas de estudo, unha sala para consulta do arquivo, servizo de atención temperá e espazos que contribúan á conciliación familiar e laboral son algúns dos usos que, previsiblemente, acollerá.

    En definitiva, o equipo técnico e o goberno traballa para procurar que, dende unha perspectiva contemporánea, a  intervención non esqueza a historia e as vidas previas dunha arquitectura representativa do patrimonio de Ponteareas e que, ó tempo, ofreza versatilidade cara ás futuras.

    A alcaldesa amosa a súa satisfacción de facer realidade este proxecto non só por dar resposta á necesidade de espazo demandada pola veciñanza se non tamén por revitalizar esta parte da Vila que viña amosando un contínuo deterioro habitacional, palpable no progresivo aumento de edificacións e vivendas en estado de abandono, así como un progresivo avellentamento e perda de residentes.

    “A xestión económica do Concello realizada dende 2015 permitíunos incrementar o patrimonio municipal adquirindo esta propidade ubicada nunha parcela de 341 m2 á que daremos vida coas ideas e demandas recollidas no proceso de consulta cidadá  realizado con representantes do tecido socioeconómico da Vila (asociacións deportivas e culturais, comerciantes, hostalaría, entidades sociais, colectivos vulnerábeis -mobilidade reducida, terceira idade…-), ademáis dunha consulta dixital e aportacións realizadas por representantes da administración local (goberno e voceiros/as dos grupos políticos con representación municipal, persoal técnico e persoal municipal)”, conclúe Cristina Fdez. Davila.

    COLABORACIÓNS

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    ¡Ponga un volcán en su vida!

    Las generaciones actuales, sin lugar a dudas, van tener bastante que contarles a sus nietos. Hemos vivido una fuerte crisis económica (la de las famosas subprime), hemos padecido, y seguimos sufriendo, la primera gran epidemia global del siglo y ahora, además, tenemos el "maravilloso" espectáculo del volcán de La Palma, algo que no se podía ver en nuestro país desde hace muchos años, así que para llevar poco más de 21 años de siglo, pues no está nada mal, pero como sigamos a este ritmo...

    Receta saludable de veroño

    Primer domingo de otoño y último del mes de septiembre; con este día gris damos por terminada la temporada estival. Confío en que estéis preparados, y sobre todo mentalizados, para iniciar el año escolar con ganas (soy de las que siente que cuando llega septiembre comienza un “nuevo curso”, aunque ya hayan pasado años desde que terminé la universidad).

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    13 POSTS0 COMMENTS
    Roberto Mera
    2 POSTS0 COMMENTS