7.6 C
Pontevedra
Venres, 29 de Marzo de 2024
Máis
    HomeO CondadoPonteareasPonteareas conmemora a figura de Fermín Bouza Brey cunha exposición na biblioteca...

    Ponteareas conmemora a figura de Fermín Bouza Brey cunha exposición na biblioteca municipal

    Este 31 de marzo cúmprense 121 anos do seu nacemento

    Ponteareas conmemora este 31 de marzo a figura do ilustre polígrafo Fermín Bouza Brey cunha exposición dos seus libros máis significativos na biblioteca municipal. “Queremos que a veciñanza lembre un dos persoeiros máis importantes da nosa literatura coincidindo coa data do seu nacemento en 1901 na Praza Maior da nosa vila”, destaca o concelleiro de Cultura, Fernando Groba.

    Para rememorar a súa figura, a biblioteca municipal terá á disposición do público unha vitrina de exposicións na que usuarios e usuarias poderán ver algún dos libros máis representativos de Bouza Brey, ao tempo que tamén poderán levar prestadas calquera das numerosas obras do autor coas que conta o catálogo da biblioteca.

    Iniciador da corrente vangardista do neotrobadorismo, tendencia que despois cultivarían Álvaro Cunqueiro ou Xosé María Álvarez Blázquez, Bouza Brey foi un dos fundadores do Seminario de Estudos Galegos en 1923. Chegou a ser membro da Real Academia Galega en 1941 e, en 1992, dedicóuselle o Día das Letras Galegas. Ademais da súa faceta literaria, o autor ponteareán foi investigador en campos tan variados como folclore e etnografía, arqueoloxía, heráldica, arte, epigrafía, historia, crítica literaria ou historia da literatura, entre outros.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.