10.2 C
Pontevedra
Venres, 29 de Marzo de 2024
Máis
    HomeO CondadoPonteareasPonteareas aposta por dar espazo á creación de empresas e fomento de...

    Ponteareas aposta por dar espazo á creación de empresas e fomento de negocio

    O Alcalde de Ponteareas asinou este venres a compra do segundo e do terceiro andar do edificio da Seguridade Social na praza Maior para dedicar este novo espazo á promoción de emprego e de negocios que potencien a economía local, a apoio aos e ás emprendedoras con iniciativas empresariais e as pequenas e medianas empresas. Segundo o alcalde Xosé Represas, “simboliza a nova situación económica do Concello pois había décadas que, como consecuencia da ruina e bancarrota da administración municipal, non se adquirían propiedades”.

    As dúas plantas do edificio destinaranse a novos servizos para os cidadáns. A previsión do goberno municipal é aproveitar os fondos europeos de desenvolvemento rexional para acondicionar as novas instalacións e adicalas á promoción de emprego e de negocios. Entre outros servizos contémplanse un smart lab e un espazo para o coworking, oficinas compartidas para autónomos ou empresarios, ofrecendo aos emprendedores un espazo tecnolóxicamente eficiente, así como a ubicación do centro de asesoramento SmartPeme.

    “Trátase de ofrecer espazos nos que poder traballar, nos que poder interactuar tendo acceso ás últimas tecnoloxías que nos fagan competitivos” explican Xosé Represas e Chus Garrote. Con esta iniciativa, engaden o alcalde e a tenente de alcalde, “axudamos a que a mocidade e os emprendedores atopen un lugar para poñer en marcha as súas iniciativas empresariais e de emprego e contribuir así a xerar máis riqueza e oportunidades de traballo en Ponteareas”, explican Garrote e Represas, engadindo ademáis que con esta iniciativa darase moita máis vida ao entorno da Praza Maior.

    O goberno prevé abrir un proceso de participación sobre o modo de xestión deste espazo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.