19.7 C
Pontevedra
Sábado, 8 de Outubro de 2022
Máis
    HomeO CondadoPonteareasPonteareas abre o prazo para o concurso de deseño do cartel do...

    Ponteareas abre o prazo para o concurso de deseño do cartel do Corpus 2020

    A concellería de Eventos, que dirixe Cristina Fernández, convidou a participar ás universidades e centro formativos oficiais que impartan materias relacionadas co deseño

    O Goberno de Ponteareas comeza os preparativos das vindeiras festas do Corpus Christi e da un paso máis na promoción e no recoñecemento destas festas, das súas alfombras florais e das súas xentes ao convidar ás facultades de Belas Artes e a de Publicidade e Comunicación Audiovisual, así como aos centros formativos oficiais relacionadas co deseño, a participar no IV Concurso do Cartel do Corpus. 

    A concellería de Eventos, que dirixe Cristina Fernández, fixo públicas as bases do concurso do cartel da vindeira edición das festas de Corpus, que terán lugar o 13 e 14 de xuño, coa finalidade de involucrar a persoas individuais ou colectivos no deseño do cartaz oficial da festa. 

    O concurso será aberto e poderán participar calquera persoa física maior de 18 anos, cun máximo dunha obra de creación propia, orixinal e inédita de técnica libre. 

    Todos os carteis deberán estar relacionados coa festividade do Corpus Christi e as alfombras de flores que se realizan con motivo desta festividade. A temática estará relacionada coa xente, materiais, trazados, deseños, etc. relacionados coa festividade e con Ponteareas.

    As propostas poderán presentarse ata o día 26 de novembro (incluído). As bases poderán consultarse na páxina web do concello na pestaña Cultura “bases” ou premendo nesta ligazón.

    Os traballos deberán ser presentados no rexistro da Casa do Concello de luns a venres de 9 a 14 horas.

    Cristina Fernández será a presidenta do xurado e o resto do xurado serán profesionais do mundo do deseño, o debuxo ou as belas artes tendo en conta as suxestións dos e das alfombristas. 

    A temática, o mellor deseño gráfico, a calidade técnica e a artística, o impacto visual, a creatividade ou a orixinalidade no deseño serán os aspectos que o xurado valorará para decidir o gañador ou gañadora deste concurso dotado cun premio único de 1.000 euros. 

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS