8.7 C
Pontevedra
Xoves, 28 de Marzo de 2024
Máis
    HomeO CondadoPonteareasPonteareas abre o prazo de solicitude de subvencións para colectivos de interese...

    Ponteareas abre o prazo de solicitude de subvencións para colectivos de interese veciñal

    As axudas buscan fomentar e dinamizar o asociacionismo veciñal no municipio

    Co obxectivo de contribuír a mellorar a calidade de vida local e fomentar e dinamizar o asociacionismo veciñal en Ponteareas, o Concello vén de abrir o prazo de solicitude de axudas destinadas a asociacións veciñais, culturais, regantes e Comunidade de montes para a realización de investimentos tanto de obra como de equipamentos.

    O Concello ponteareán dedicará un orzamento máximo de 10.000 euros a estas axudas económicas, que poderán acadar ata o 80 % do investimento realizado cun límite de 3.000 € para a realización de obras e de 1.500 € para a dotación de equipamentos.

    “O noso obxectivo é apoiar na medida do posible o traballo que están a desenvolver as asociacións en Ponteareas coa implicación de toda a veciñanza, o que sen dúbida contribúe a mellorar a realidade da nosa vila”, recalca Chus Garrote, responsable da Concellaría de Vías, Obras e Alumeado.

    As entidades interesadas terán ata o vindeiro 28 de xuño para presentar a súa solicitude a través da sede electrónica do Concello. Poden consultarse as bases da convocatoria e descargar os formularios de solicitude na web municipal.

    Calquera aclaración pode plantexarse a través do enderezo electrónico alumeado@ponteareas.es ou no teléfono 986 64 22 45 de luns a venres de 08.00 a 10.00 horas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.