8.7 C
Pontevedra
Xoves, 28 de Marzo de 2024
Máis
    HomeO CondadoPonteareasO programa Mocidade Viva achegará a calistenia aos rapaces

    O programa Mocidade Viva achegará a calistenia aos rapaces

    Cunha xornada de práctica e exhibición este venres 6 de maio ás 19.30 h no parque Ferro Ucha

    O Concello de Ponteareas pon en marcha unha nova actividade ao abeiro do programa Mocidade Viva, co que se busca promover o lecer saudable e alternativo para rapaces maiores de 12 anos. Este venres 6 de maio a mocidade poderá desfrutar dunha xornada de práctica e exhibición de calistenia, un sistema de adestramento físico no que o único que se precisa empregar é o propio peso corporal.

    A xornada terá lugar a partir das 19.30 horas no parque Ferro Ucha, unhas instalacións municipais gratuítas destinadas ao exercicio físico que conta cun circuíto aeróbico e cun cubo, un monkey bar horizontal, un banco para abdominais, unha parede sueca, barras de dominada triple francesa e barra de dominada clásica, un monkey bar de dous niveis e un monkey bar serpe e barras paralelas.

    O concelleiro de Mocidade, Miguel Bouzó, anima a toda a rapazada a participar nesta actividade e coñecer de primeira man “un estilo de adestramento cada vez máis popular entre a veciñanza, xa que non require nin material nin un espazo concreto para poder realizalo e ten unha longa lista de beneficios e vantaxes”. Tamén convida aos mozos a participar nas actividades de Mocidade Viva, un programa estable de iniciativas lúdicas e formativas pensadas para a xente nova coas que ofrecerlles espazos de lecer e socialización saudables.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.