16.2 C
Pontevedra
Luns, 16 de Maio de 2022
Máis
    HomeO CondadoPonteareasO Ministerio de Facenda confirma a boa saúde financeira do Concello de...

    O Ministerio de Facenda confirma a boa saúde financeira do Concello de Ponteareas

    Intervención explicou en comisión informativa aos grupos políticos da oposición o funcionamento do Plan de Pago a Provedores

    O Ministerio de Facenda vén de ratificar a información facilitada por Ponteareas, que exime ao Concello de acollerse ao Plan de Pago a Provedores e confirma a boa saúde financeira municipal. Intervención explicou este mércores en comisión informativa aos grupos políticos da oposición o funcionamento deste mecanismo extraordinario de financiamento ao que teñen a obriga de acollerse aquelas administracións locais con facturas pendentes anteriores ao 1 de xullo ou cun período de pago superior a 30 días, prazo máximo establecido pola normativa.

    “A realidade é que o Concello pechou o ano 2021 cunha cifra histórica no período medio de pago a provedores, que no último trimestre se situou en 12 días, o que converte a Ponteareas nun dos municipios que paga con maior rapidez aos seus provedores”, destaca a alcaldesa, Cristina Fernández Davila.

    Tras un reconto do período medio de pago no último trimestre do 2020 e nos dous primeiros do ano 2021, o Ministerio de Facenda publicou unha listaxe coas entidades locais que poderían entrar no Plan de Pago a Provedores e adherirse ao Fondo de Financiamento a Entidades Locais. No prazo de presentación de documentación, dende Intervención facilitouse ao Ministerio información sobre as únicas tres facturas que figuraban como pendentes antes do 1 de xullo e que xa estaban abonadas. Neste período presentáronse ademais 4 reclamacións, que foron rexeitadas dende Intervención ao estar xa pagadas, ser de servizos non prestados ou non constar.

    O Goberno do BNG-PSOE leva realizando un importante labor de saneamento económico dende 2015 que permite ver unha evolución positiva clara, cun pago a provedores a 12 días na actualidade fronte aos case tres meses que se rexistraron no ano 2014. “Isto é resultado do esforzo de xestión por parte do Concello e tamén do persoal municipal e dunha boa administración do diñeiro público. Un esforzo que seguiremos facendo nos vindeiros anos para continuar favorecendo o bo funcionamento das pequenas e medianas empresas e estimulando a economía local”, salienta o concelleiro de Facenda, Pancho Alonso.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS