7.1 C
Pontevedra
Luns, 30 de Xaneiro de 2023
Máis
    HomeO CondadoPonteareasO libro sobre Alejandro Viana de Roberto Mera, Premio Antón Losada Diéguez...

    O libro sobre Alejandro Viana de Roberto Mera, Premio Antón Losada Diéguez na categoría de Investigación e Ensaio

    O xurado da XXXVII edición do Premio Antón Losada Diéguez vén de outorgar o galardón na categoría de Investigación e Ensaio ao libro ‘Alejandro Viana. Un galego a fronte do rescate dos refuxiados republicanos’, unha obra escrita por Roberto Mera na que recupera de forma minuciosa a figura dun persoeiro ponteareá pouco coñecido para a propia veciñanza da vila e que “desenvolveu un labor importante na recuperación da dignidade dos refuxiados españois perdedores da guerra e da súa evacuación a América cunha ética estrita”, como recolle o xurado nas actas.

    Trátase do primeiro libro de Roberto Mera, que afonda na historia do seu tío bisavó cunha pequena parte da súa biografía centrada fundamentalmente entre os anos 1939 e 1941, durante a Guerra Civil e o seu exilio en Francia, “onde axuda ás persoas refuxiadas con alimentación, roupa, sanidade, albergue e os embarques de 17.000 refuxiados e refuxiadas españois cara a América”. Aínda que a historia remata no ano 1952, cando Viana chega a México, Mera proxecta continuar coa historia do seu antepasado centrada noutras etapas da súa vida, como cando foi deputado, empresario ou alcalde de Vigo, antes de 1936.

    O Concello de Ponteareas quere trasladar os seus parabéns ao escritor por esta obra que achega ao público un personaxe pouco coñecido para os propios ponteareáns e ponteareás e que tivo un papel moi relevante tras a Guerra Civil, clave na organización dos máis de 30 barcos que levaron a miles de persoas fuxidas cara ao exilio, pero tamén na xestión de visados, pasaxes en liñas regulares, subsidios ou pagos a médicos en campos de concentración. “Queremos felicitar a Roberto Mera por devolver á nosa memoria a un persoeiro ponteareá tan importante cun libro minucioso que nos permite coñecer a historia dun home que salvou moitas vidas e que non debe caer no esquecemento”, salienta o concelleiro de Cultura, Fernando Groba.

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS