18.5 C
Pontevedra
Xoves, 18 de Xullo de 2024
Máis
    HomeO CondadoPonteareasO Goberno local tacha de "ridículo espantoso" a denuncia de supostas irregularidades...

    O Goberno local tacha de “ridículo espantoso” a denuncia de supostas irregularidades no PXOM realizada por Belén Villar

    O goberno municipal de Ponteareas lamentou o “ridículo espantoso protagonizado pola portavoz do PP, Belén Villar” ao denunciar unha suposta “grave irregularidade” na tramitación do PXOM argumentando que a aprobación das alegacións veciñais en 2016 debe ser agora revisado de oficio.

    Segundo o goberno, “Villar, desde o absoluto descoñecemento xurídico, non sabe distinguir un acto de trámite dun acto que pon fin á vía administrativa. As alegacións aprobadas en 2016 son un acto de trámite que non é recurríbel nin revisábel de oficio. É algo que sabe un estudante de primeiro de Dereito”. O goberno cre que Villar “se equivoca xogando a aprendiz de avogada” e recomenda á portavoz popular que “non siga buscando leis por internet que non sabe interpretar. Mellor faría fiándose dos informes xurídicos emitidos polos funcionarios municipais licenciados en Dereito”. Ademais o goberno aclara que o expediente conta con todos os informes incluido o da Confederación Hidrográfica.

    Para o goberno o PP está “desesperado” buscando excusas para non apoiar o PXOM. Primeiro impediron a aprobación cando dependía deles e agora que temos maioría suficiente queren impedilo con falsos motivos legais. Poñen os seus intereses partidistas por diante dos intereses de Ponteareas”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.